MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

Ullı oyshıllarımızdıӊ ómiri hám dóritiӯshiligi haqqındais-ilaj ótkerildi

Ullı oyshıllarımızdıӊ ómiri hám dóritiӯshiligi haqqındais-ilaj ótkerildi

2025-jıl 25-aprel kúni Muhammad ibn Ahmad al-Beruniy orta arnawlı islam bilim jurtında ullı oyshıllarımızdıӊ biri Najmiddin Kubro hám Alixontura Soǵuniy háziretleriniӊ ómir jolı dóretiӯshilikleri haqqında is-ilaj ótkerildi. Ilajǵa bilim jurtı direktorı J.Abdirazakov, Ruӯxıylıq hám aǵartıӯshılıq isleri boyınsha direktor orınbasarı J.Umirzakov, Berdak atındaǵı QMUniӊ ózbek tili fakulteti, ózbek tili hám ádebiyatı pán oqıtıӯshısı A.Bobojanov hámde QMU talabası A.Kuchkorovlar qatnastı. Sonday-aq, ilaj barısında oyshıllarımız ómir jolı hám dóretiӯshiligi haqkında bayanatlar oqıldı.
Musılman dúnyasındaǵı eń kúshli sufizm danıshpanlarınan biri ullı watanlasımız shayx Najmiddin Kubro bolıp esaplanadı. Abul-Jannob hám Tamatul Kubro laqablarına iye bolgan sufizmniń Kubraviya silsilasınıń tiykarın salıwshısı Najmiddin Kubronıń tolıq atı Ahmad ibn Umar ibn Muhammad Xivaqiy al-Xorezmiy. Mısırda Ruzbexan Vazzon al-Misriy (ólimi 584/1188) degen alım dárgayında bilim aladı. Al-Misriy bolsa, óz náwbetinde, belgili sufizm danıshpanı Abu Najib as-Suxravardiyden tálim alǵan edi.
Alixontóra Shokirxontóra ulı Soǵuniy Túrkstannıń ataqlı alımı hám jazıwshısı, úlken mámleketlik ǵayratker hám sárkarda, Shıǵıs Túrkstan islam respublikasının birinshi prezidenti hám marshali edi. Ol biziń eramızdıń 1885-jılı Túrkstan úlkesiniń Toqmaq qalasında tuwılǵan (Ádebiy laqabı tuwılǵan qalasınıń áyyemgi atı Balasaǵun menen baylanıslı). Jaqsı bilim alǵan Alixantára ullı alım hám siyasiy isker bolıp jetisti. Táfsir, hádis, fiqh ilimleriniń bilimdanı, aǵartıwshı hám taqwa insan edi. Ómiriniń úlken bólimin Shıǵıs Túrkstanda milliy-azatlıq háreketin basqarıw isine sarpladı, Túrkstan qayǵısı hám millet dárti menen jasadı. Bir neshe shıǵarmaları bar hám t.b shıǵarmalardı ózbek tiline awdarǵan.