МУҲАМММАД ИБН АҲМАД АЛ-БЕРУНИЙ” ОРТА АРНАЎЛЫ ИСЛАМ БИЛИМ ЖУРТЫ

Билим журтында талабалар заман талапларына сай билим алыўы ушын барлық қолайлықлар жаратылған. Атап айтқанда, ең заманагөй оқыў қураллары менен тәмийинленген оқыў ханалары, мәлимлеме-ресурс орайы, дәретхана, асхана, жатақхана, спорт залы, мини футбол майданшасы, саламатлық ханасы, шаштәрезхана бар.

“Қураны кәрим ҳәм тәжўид” пуллы оқыў курслары

Өзбекстан Республикасы Президентиниң “Диний-ағартыўшылық тараўының жумысын түпкиликли жетилистириў илажлары ҳаққында”ғы 2018-жыл 16-апрелдеги ПП-5416-санлы Пәрманы менен тастыйықланған илажлар Бағдарламасының 6-бәнтинде белгиленген ўазыйпалардың орынланыўын тәмийинлеў мақсетинде Өзбекстан мусылманлары мәкемесиниң 2018-жыл 30-апрелдеги 01А/056-санлы буйрығы тастыйықланған. Усы мүнәсибет пенен Муҳаммад ибн Аҳмад ал-Беруний медресесинде 2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Мәлимлеме ресурс орайы

Муҳаммад ибн Аҳмад ал-Беруний” орта арнаўлы ислам билим журтының мәлимлеме ресурс орайы фондында жәми 17756 китап сақланбақта. Соннан, 1505 улыўма билимлендириў әдебиятлары, 4085 арнаўлы пәнлерден сабақлықлар, 764 социяллық-економикалық әдебиятлар, 7340 илимий-ғалабалық әдебиятлар, 919 електрон әдебиятлары қурайды.

Курслар

2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Талабалар

Бүгинги күнге келип билим журтында 148 талабаға 21 оқытыўшы тәрепинен тәлим-тәрбия берип келинбекте.

Жетискенликлеримиз

Билим журты оқытыўшылары ҳәм талабалары өткерилип келинетуғын түрли таңлаўларда қатнасып жоқары орынларды ийелеп келмекте.

Уллы ойшылларымыздыӊ өмири ҳәм дөритиӯшилиги ҳаққындаис-илаж өткерилди

Уллы ойшылларымыздыӊ өмири ҳәм дөритиӯшилиги ҳаққындаис-илаж өткерилди

2025-жыл 25-апрель күни Муҳаммад ибн Аҳмад ал-Беруний орта арнаўлы ислам билим журтында уллы ойшылларымыздыӊ бири Нажмиддин Кубро ҳәм Алихонтура Соғуний ҳәзиретлериниӊ өмир жолы дөретиӯшиликлери ҳаққында ис-илаж өткерилди. Илажға билим журты директоры Ж.Абдиразаков, Руӯхыйлық ҳәм ағартыӯшылық ислери бойынша директор орынбасары Ж.Умирзаков, Бердак атындағы ҚМУниӊ өзбек тили факультети, өзбек тили ҳәм әдебияты пән оқытыӯшысы А.Бобожанов ҳәмде ҚМУ талабасы А.Кучкоровлар қатнасты. Сондай-ақ, илаж барысында ойшылларымыз өмир жолы ҳәм дөретиӯшилиги ҳақкында баянатлар оқылды.
Мусылман дүньясындағы ең күшли суфизм данышпанларынан бири уллы ўатанласымыз шайх Нажмиддин Кубро болып есапланады. Абул-Жанноб ҳәм Таматул Кубро лақабларына ийе болган суфизмниң Кубравия силсиласының тийкарын салыўшысы Нажмиддин Куброның толық аты Аҳмад ибн Умар ибн Муҳаммад Хивақий ал-Хорезмий. Мысырда Рузбехан Ваззон ал-Мисрий (өлими 584/1188) деген алым дәргайында билим алады. Ал-Мисрий болса, өз нәўбетинде, белгили суфизм данышпаны Абу Нажиб ас-Сухравардийден тәлим алған еди.
Алихонтөра Шокирхонтөра улы Соғуний Түркстанның атақлы алымы ҳәм жазыўшысы, үлкен мәмлекетлик ғайраткер ҳәм сәркарда, Шығыс Түркстан ислам республикасынын биринши президенти ҳәм маршали еди. Ол бизиң ерамыздың 1885-жылы Түркстан үлкесиниң Тоқмақ қаласында туўылған (Әдебий лақабы туўылған қаласының әййемги аты Баласағун менен байланыслы). Жақсы билим алған Алихантәра уллы алым ҳәм сиясий искер болып жетисти. Тәфсир, ҳәдис, фиқҳ илимлериниң билимданы, ағартыўшы ҳәм тақўа инсан еди. Өмириниң үлкен бөлимин Шығыс Түркстанда миллий-азатлық ҳәрекетин басқарыў исине сарплады, Түркстан қайғысы ҳәм миллет дәрти менен жасады. Бир неше шығармалары бар ҳәм т.б шығармаларды өзбек тилине аўдарған.