
Usı jıldıń 15-aprel kúni, Nókis qalası «Muhammad ibn Axmad al Beruniy» orta arnawlı islam bilim jurtınıń jazǵı sport maydanshasında mini-futbol boyınsha «Qazıyat kubogi» final oyını bolıp ótti.
Final jarısında Nókis qalası «Muhammad ibn Ahmad al Beruniy» orta arnawlı islam bilim jurtınıń «Doslıq» komandası 1-orın jeńimpazı boldı.
Taxtakópir hám Qaraózek rayonlarınan dúzilgen «Dáwqara» komandası 2-orın, Nókis qalası diniy xızmetkerlerinen dúzilgen «Aral» komandası 3-orın jeńimpazı boldı. Komandalar ortasında bolıp ótken final oyını shólkemleskenlik jaǵdayında, qızǵın ótti.
Jarısta jeńimpaz bolǵan komandalar hám de jaqsı oyın kórsetken futbol oyınshılarına Qaraqalpaqstan Respublikası Ministrler Keńesi, Qaraqalpaqstan musılmanları qazıyatı hám «Vaqf» qayırqomlıq jámáátlik fondı tárepinen estelik sawǵaları berildi.
Jarıs juwmaǵında Qaraqalpaqstan Respublikasi Ministrler Keńesi baslıǵı orınbasarı R.Nurazizov hám Qaraqalpaqstan musılmanları qazıyatı qazısı B.Razovlar jarıs qatnasıwshıların jeńisleri menen qutlıqlap, aldaǵı waqıttaǵı jumıslarında tabıslar tiledi.
Bilim jurtı baspasóz xızmeti