MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

2024-2025 oqıw jılı ushın joqarı hám orta arnawlı islam bilim jurtlarına qabıllaw járiyalandı.

2024-2025 oqıw jılı ushın joqarı hám orta arnawlı islam bilim jurtlarına qabıllaw járiyalandı.

📢 Ózbekstan musılmanları basqarması bilim hám ilimiy-izertlew bólimi 2024-2025 oqıw jılı ushın joqarı hám orta arnawlı islam bilim jurtlarına abiturientlerden hújjetlerdi qabıl qılıw sáneleri belgilendi:

⏺ Tashkent islam institutı, Mir Arab joqarı medresesi hám de orta arnawlı islam bilim jurtlarına usı jıl 20-iyun kúninen 20-iyulǵa shekem;  
⏺ Hádis ilimi mektebine 20-iyun kúninen 10-iyulǵa shekem;
⏺ Tashkent islam institutınıń Modul tálim sistemasına  10-iyul kúninen 30-iyulǵa shekem.
🗣Orta arnawlı islam bilim jurtlarına oqıwǵa kiriw niyetinde bolǵan abiturientler qabıllaw komissiyasına tѳmendegi hújjetlerdi tapsıradı:

📝bilim jurtı direktorı atına arza;
🪪 pasport yaki ID karta nusqası (túp nusqa kórsetiledi);
📚 maǵlıwmatı haqqında attestat yaki diplom (túp nusqası)
👤 3,5 x 4,5 kólemindegi 6 dana reńli foto súwret (aqırǵı úsh ayda alınǵan hám arqa fonı aq reńde bolıwı talap etiledi)
✅ shet tilin biliwi haqqındaǵı sertifikat (maǵlıwmatı haqqındaǵı hújjette kórsetilgen shet tilinen basqa shet til boyınsha test tapsırıwshılar ushın) túp nusqası.

🟢Maǵlıwmat ornında: Joqarı hám orta arnawlı islam bilim jurtlarınıń test sınaqlarına qatnasıw ushın abiturientlerden bazalıq esaplaw muǵdarınıń yarım esesi muǵdarında tólem óndiriledi. Usı jılda oqıwdı tamamlaǵan hám orta arnawlı islam bilim jurtlarına hújjet tapsırǵan abiturientlerden bolsa tólem óndirilmeydi.

📢 2024-2025 oqıw jılı qabıllaw procesleri haqqında sońǵı jańalıqlardı https://t.me/qabulmuslimuz telegram kanalında baqlap barıwıńız múmkin.