МУҲАМММАД ИБН АҲМАД АЛ-БЕРУНИЙ” ОРТА АРНАЎЛЫ ИСЛАМ БИЛИМ ЖУРТЫ

Билим журтында талабалар заман талапларына сай билим алыўы ушын барлық қолайлықлар жаратылған. Атап айтқанда, ең заманагөй оқыў қураллары менен тәмийинленген оқыў ханалары, мәлимлеме-ресурс орайы, дәретхана, асхана, жатақхана, спорт залы, мини футбол майданшасы, саламатлық ханасы, шаштәрезхана бар.

“Қураны кәрим ҳәм тәжўид” пуллы оқыў курслары

Өзбекстан Республикасы Президентиниң “Диний-ағартыўшылық тараўының жумысын түпкиликли жетилистириў илажлары ҳаққында”ғы 2018-жыл 16-апрелдеги ПП-5416-санлы Пәрманы менен тастыйықланған илажлар Бағдарламасының 6-бәнтинде белгиленген ўазыйпалардың орынланыўын тәмийинлеў мақсетинде Өзбекстан мусылманлары мәкемесиниң 2018-жыл 30-апрелдеги 01А/056-санлы буйрығы тастыйықланған. Усы мүнәсибет пенен Муҳаммад ибн Аҳмад ал-Беруний медресесинде 2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Мәлимлеме ресурс орайы

Муҳаммад ибн Аҳмад ал-Беруний” орта арнаўлы ислам билим журтының мәлимлеме ресурс орайы фондында жәми 17756 китап сақланбақта. Соннан, 1505 улыўма билимлендириў әдебиятлары, 4085 арнаўлы пәнлерден сабақлықлар, 764 социяллық-економикалық әдебиятлар, 7340 илимий-ғалабалық әдебиятлар, 919 електрон әдебиятлары қурайды.

Курслар

2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Талабалар

Бүгинги күнге келип билим журтында 148 талабаға 21 оқытыўшы тәрепинен тәлим-тәрбия берип келинбекте.

Жетискенликлеримиз

Билим журты оқытыўшылары ҳәм талабалары өткерилип келинетуғын түрли таңлаўларда қатнасып жоқары орынларды ийелеп келмекте.

2024-2025 оқыў жылы ушын жоқары ҳәм орта арнаўлы ислам билим журтларына қабыллаў жәрияланды.

2024-2025 оқыў жылы ушын жоқары ҳәм орта арнаўлы ислам билим журтларына қабыллаў жәрияланды.

📢 Өзбекстан мусылманлары басқармасы билим ҳәм илимий-изертлеў бөлими 2024-2025 оқыў жылы ушын жоқары ҳәм орта арнаўлы ислам билим журтларына абитуриентлерден ҳүжжетлерди қабыл қылыў сәнелери белгиленди:

⏺ Ташкент ислам институты, Мир Араб жоқары медресеси ҳәм де орта арнаўлы ислам билим журтларына усы жыл 20-июнь күнинен 20-июльға шекем;  
⏺ Ҳәдис илими мектебине 20-июнь күнинен 10-июльға шекем;
⏺ Ташкент ислам институтының Модуль тәлим системасына  10-июль күнинен 30-июльға шекем.
🗣Орта арнаўлы ислам билим журтларына оқыўға кириў нийетинде болған абитуриентлер қабыллаў комиссиясына тѳмендеги ҳүжжетлерди тапсырады:

📝билим журты директоры атына арза;
🪪 паспорт яки ID карта нусқасы (түп нусқа көрсетиледи);
📚 мағлыўматы ҳаққында аттестат яки диплом (түп нусқасы)
👤 3,5 х 4,5 көлеминдеги 6 дана реңли фото сүўрет (ақырғы үш айда алынған ҳәм арқа фоны ақ реңде болыўы талап етиледи)
✅ шет тилин билиўи ҳаққындағы сертификат (мағлыўматы ҳаққындағы ҳүжжетте көрсетилген шет тилинен басқа шет тил бойынша тест тапсырыўшылар ушын) түп нусқасы.

🟢Мағлыўмат орнында: Жоқары ҳәм орта арнаўлы ислам билим журтларының тест сынақларына қатнасыў ушын абитуриентлерден базалық есаплаў муғдарының ярым есеси муғдарында төлем өндириледи. Усы жылда оқыўды тамамлаған ҳәм орта арнаўлы ислам билим журтларына ҳүжжет тапсырған абитуриентлерден болса төлем өндирилмейди.

📢 2024-2025 оқыў жылы қабыллаў процеслери ҳаққында соңғы жаңалықларды https://t.me/qabulmuslimuz телеграм каналында бақлап барыўыңыз мүмкин.