
Nókis Muhammad ibn Ahmad al-Beruniy orta arnawlı islam bilim jurtı talaba - jaslarınıń bos waqıtların ruwxıy-aǵartıwshılıq ilajlarǵa baǵdarlaw maqsetinde, Berdaq atindaǵi Qaraqalpaq mámleketlik universiteti quramındaǵı Repressiya qurbanların eslew muzeyine sayaxat shólkemlestirildi.
Sayaxat dawamında Berdaq atindaǵi Qaraqalpaq Mamleketlik Universiteti quramındaǵı Repressiya qurbanların eslew muzeyi qánigeleri tárepinen muzeyge barǵan talaba-jaslarımızǵa Repressiya qurbanların eslew muzeyiniń jańa ekspoziciyası, muzeydiń ashılıw tariyxı, Qaraqalpaqstan aymaǵında burınǵı awqam dáwirinde repressiyaǵa ushıraǵan mámleketlik ǵayratkerler, ilimpazlar, diniy tarawdaǵı ulamalardıń ómiri haqqındaǵı qızıqlı maǵlıwmatlar berildi.
Qaraqalpaq Mamleketlik Universiteti quramindaǵi Repressiya Qurbanlarin eslew aymaqliq muzeyi 2018-jil 28-avgusttan baslap óz jumisin alip barmaqta. Muzey dáslep 789 eksponat penen ashilǵan bolsa hazirgi kunde 2500 den ziyat Patsha Rossiyasi ham Sovet dawirine tiysli buyimlar, materiyallar, hujjetler saqlanbaqta. Muzey 7 bólim hám 2 zaldan ibarat.
Iláj sońında talaba-jaslar ózlerin qızıqtırǵan sorawlar arqalı eski dáwir tariyxı haqqında jańa maǵlıwmatlar alıwǵa eristi.
Bilim jurtı baspasóz xizmeti