
Нөкис Муҳаммад ибн Аҳмад ал-Беруний орта арнаўлы ислам билим журты талаба - жасларының бос ўақытларын руўхый-ағартыўшылық илажларға бағдарлаў мақсетинде, Бердақ атиндағи Қарақалпақ мәмлекетлик университети қурамындағы Репрессия қурбанларын еслеў музейине саяхат шөлкемлестирилди.
Саяхат даўамында Бердақ атиндағи Қарақалпақ Мамлекетлик Университети қурамындағы Репрессия қурбанларын еслеў музейи қәнигелери тәрепинен музейге барған талаба-жасларымызға Репрессия қурбанларын еслеў музейиниң жаңа експозициясы, музейдиң ашылыў тарийхы, Қарақалпақстан аймағында бурынғы аўқам дәўиринде репрессияға ушыраған мәмлекетлик ғайраткерлер, илимпазлар, диний тараўдағы уламалардың өмири ҳаққындағы қызықлы мағлыўматлар берилди.
Қарақалпақ Мамлекетлик Университети қураминдағи Репрессия Қурбанларин еслеў аймақлиқ музейи 2018-жил 28-августтан баслап өз жумисин алип бармақта. Музей дәслеп 789 експонат пенен ашилған болса ҳазирги кунде 2500 ден зият Патша Россияси ҳам Совет даўирине тийсли буйимлар, материяллар, ҳужжетлер сақланбақта. Музей 7 бөлим ҳәм 2 залдан ибарат.
Иләж соңында талаба-жаслар өзлерин қызықтырған сораўлар арқалы ески дәўир тарийхы ҳаққында жаңа мағлыўматлар алыўға еристи.
Билим журты баспасөз хизмети