MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

BILIM JURTÍ TALABALARÍ ÁSKERIY OKRUGINA SAYAXAT ETTI.

BILIM JURTÍ TALABALARÍ ÁSKERIY OKRUGINA SAYAXAT ETTI.

27-fevral kúni Nókis Muhammad ibn Ahmad al-Beruniy orta arnawlı islam bilim jurtınıń bir topar talabaları qalamızda jaylasqan Arqa-batıs áskeriy okrugi Nókis garnizonında bolıp, bul jerdegi jaratılǵan sharayatlar hám muzey eksponatları, kórgizbeler menen tanıstı.

      Sayaxatdan gózlengen tiykarǵı maqset -  talabalardıń bos waqıtların mazmunlı ótkeriw, olardın  Watanǵa bolǵan  muxabbatın kúsheytiw, sonday-aq,  el tınıshlıǵın qorǵawday ullı kásipke degen qızıwshılıǵın  oyatıu bolıp tabıladı.

      Iláj dawamında Arqa batıs áskeriy okrugi qánigesi tárepinen mámleketimizde áskeriy taraw boyınsha qolǵa kirgizilgen bir qansha jetiskenlikler, Prezidentimiz tárepinen áskerlerge berilip atırǵan imkániyatlar haqqında talabalarǵa bir qansha maǵlıwmatlar berdi.

     Payǵambarımız sallallahu alayhi wa sallam óz hádisinde:

      Bir keshe-kúndiz "ribat" (yaǵnıy dushpan aldında turıp, shegaranı qorǵaw) bir ay (nápil) oraza tutqan hám bir ay túnleri turıp (nápil) ibadat qılǵannan jaqsıraq", degen eken.

Imam Buxariy ráwiyatı

     Haqıyqattan da, Elimizdiń qorǵaw qudireti jıldan-jılǵa asıp barmaqta. Sońǵı jıllarda ámeldegi qural-asbaplar hám texnikaler jańalanıp, modernizaciya etildi. Áskeriy strukturalar iskerligi, áskeriy bólim hám mákemeler infrastrukturası jaqsılandı.

      Iláj sońında talabalar qánigelerden ózlerin qızıqtırǵan sorawlarǵa juwap aldı.

     Bilim jurtı baspa sóz xızmeti