MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

Garvard universiteti diywalında Quran ayatları jazılıp turıptı.

Garvard universiteti diywalında Quran ayatları jazılıp turıptı.

Garvard universiteti ádalat ushın Quranı káriymdi eń jaqsı kitap dep tán aldı, sebebi Quranı káriym ádalat ushın negiz boladı.

Garvard universiteti, nızam hám ádalat boyınsha izertlewler alıp barǵannan keyin, Quranı káriymdi insan turmısınıń nızamların tolıq qamtıp alǵan, yaǵnıy ápiwayı turmıs mashqalalarınan tartıp, úlken mashqalalarǵa shekem bárshe húkimlerge iye bolǵan eń isenimli kitap dep tán alǵan. Biznes, qarım-qatnas, basqa da adamlar arasında bolatuǵın baylanıslar, keńpeyillik hám basqa da nızam-qaǵıydalardı óz ishine qamtıǵan.

Kóp qaǵıylardı ózinde qamtıǵan Quranı káriym Muhammad sallallahu alayhi wasallam arqalı jalǵız Allahtıń Ózinen kelgen, onda pútkil jasaw nızamlarınıń deregi bar. Muqaddes kitaptıń basqa nızamlardan ústemligi, birinshi náwbette, ádalat tiykarǵı nızam bolıwında, bunda ádalatsızlıq hesh bir orında maqtalmaǵan.

Garvard yuridikalıq universiteti dúnyadaǵı eń belgili hám eń joqarı orında turıwshı ilim jurtı. Usı universitettiń kiriw bóliminde Nisa súresiniń ayatları jazılǵan. Bul ayat insaniyat tariyxındaǵı ádalattı ańlatıwshı eń ullı sóz.

Garvard universitetinde jazılǵan ayat tómendegishe:

«Háy iyman keltirgenler! Ádalat penen turıń hám eger ózlerińiz, ata-analarıńız, aǵayin-tuwısqanlarıńızdıń zıyanına bolsa da, Allah ushın tuwrı gúwalıq beriwshi bolıń! Eger ol (gúwalıq beriliwshi) bay bolsa da, jarlı bolsa da, Allah ol ekewine (qıraǵılıq tárepinen) jaqınıraq. Solay eken, ádalatlı bolıwıńız ushın hawayı nápsige berilip ketpeń! Eger (tillerińizdi) bursańız yamasa (gúwalıqtan) júz burıp ketseńiz, álbette, Allah islep atırǵan islerińizden xabardar»

Nisa súresiniń bul ayatları Garvard universitetiniń yuridikalıq fakultetine kirgen jerdegi diywalǵa jazılǵan. Ol jerge jáne Sent Avgustin hám Magna Kartalardıń sózleri de jazılǵan.

Maǵlıwmat ushın: Garvard universiteti Amerika qurama shtatları, Massachusets shtatı, Bostonǵa qarawshı Kembridj qalasında jaylasqan. Garvard — AQSH hám dúnyadaǵı ilim hám karerada eń joqarı turıwshı universitet.

Internet maǵlıwmatları tiykarında tayarlandı.

Abdurahman Idrisov

Muhammad al Beruniy islam bilim jurtı mudarrisi