МУҲАМММАД ИБН АҲМАД АЛ-БЕРУНИЙ” ОРТА АРНАЎЛЫ ИСЛАМ БИЛИМ ЖУРТЫ

Билим журтында талабалар заман талапларына сай билим алыўы ушын барлық қолайлықлар жаратылған. Атап айтқанда, ең заманагөй оқыў қураллары менен тәмийинленген оқыў ханалары, мәлимлеме-ресурс орайы, дәретхана, асхана, жатақхана, спорт залы, мини футбол майданшасы, саламатлық ханасы, шаштәрезхана бар.

“Қураны кәрим ҳәм тәжўид” пуллы оқыў курслары

Өзбекстан Республикасы Президентиниң “Диний-ағартыўшылық тараўының жумысын түпкиликли жетилистириў илажлары ҳаққында”ғы 2018-жыл 16-апрелдеги ПП-5416-санлы Пәрманы менен тастыйықланған илажлар Бағдарламасының 6-бәнтинде белгиленген ўазыйпалардың орынланыўын тәмийинлеў мақсетинде Өзбекстан мусылманлары мәкемесиниң 2018-жыл 30-апрелдеги 01А/056-санлы буйрығы тастыйықланған. Усы мүнәсибет пенен Муҳаммад ибн Аҳмад ал-Беруний медресесинде 2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Мәлимлеме ресурс орайы

Муҳаммад ибн Аҳмад ал-Беруний” орта арнаўлы ислам билим журтының мәлимлеме ресурс орайы фондында жәми 17756 китап сақланбақта. Соннан, 1505 улыўма билимлендириў әдебиятлары, 4085 арнаўлы пәнлерден сабақлықлар, 764 социяллық-економикалық әдебиятлар, 7340 илимий-ғалабалық әдебиятлар, 919 електрон әдебиятлары қурайды.

Курслар

2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Талабалар

Бүгинги күнге келип билим журтында 148 талабаға 21 оқытыўшы тәрепинен тәлим-тәрбия берип келинбекте.

Жетискенликлеримиз

Билим журты оқытыўшылары ҳәм талабалары өткерилип келинетуғын түрли таңлаўларда қатнасып жоқары орынларды ийелеп келмекте.

Гарвард университети дийўалында Қуран аятлары жазылып турыпты.

Гарвард университети дийўалында Қуран аятлары жазылып турыпты.

Гарвард университети әдалат ушын Қураны кәриймди ең жақсы китап деп тән алды, себеби Қураны кәрийм әдалат ушын негиз болады.

Гарвард университети, нызам ҳәм әдалат бойынша изертлеўлер алып барғаннан кейин, Қураны кәриймди инсан турмысының нызамларын толық қамтып алған, яғный әпиўайы турмыс машқалаларынан тартып, үлкен машқалаларға шекем бәрше ҳүкимлерге ийе болған ең исенимли китап деп тән алған. Бизнес, қарым-қатнас, басқа да адамлар арасында болатуғын байланыслар, кеңпейиллик ҳәм басқа да нызам-қағыйдаларды өз ишине қамтыған.

Көп қағыйларды өзинде қамтыған Қураны кәрийм Муҳаммад саллаллаҳу алайҳи ўасаллам арқалы жалғыз Аллаҳтың Өзинен келген, онда пүткил жасаў нызамларының дереги бар. Муқаддес китаптың басқа нызамлардан үстемлиги, биринши нәўбетте, әдалат тийкарғы нызам болыўында, бунда әдалатсызлық ҳеш бир орында мақталмаған.

Гарвард юридикалық университети дүньядағы ең белгили ҳәм ең жоқары орында турыўшы илим журты. Усы университеттиң кириў бөлиминде Ниса сүресиниң аятлары жазылған. Бул аят инсаният тарийхындағы әдалатты аңлатыўшы ең уллы сөз.

Гарвард университетинде жазылған аят төмендегише:

«Ҳәй ийман келтиргенлер! Әдалат пенен турың ҳәм егер өзлериңиз, ата-аналарыңыз, ағайин-туўысқанларыңыздың зыянына болса да, Аллаҳ ушын туўры гүўалық бериўши болың! Егер ол (гүўалық берилиўши) бай болса да, жарлы болса да, Аллаҳ ол екеўине (қырағылық тәрепинен) жақынырақ. Солай екен, әдалатлы болыўыңыз ушын ҳаўайы нәпсиге берилип кетпең! Егер (тиллериңизди) бурсаңыз ямаса (гүўалықтан) жүз бурып кетсеңиз, әлбетте, Аллаҳ ислеп атырған ислериңизден хабардар»

Ниса сүресиниң бул аятлары Гарвард университетиниң юридикалық факультетине кирген жердеги дийўалға жазылған. Ол жерге және Сент Августин ҳәм Магна Карталардың сөзлери де жазылған.

Мағлыўмат ушын: Гарвард университети Америка қурама штатлары, Массачусетс штаты, Бостонға қараўшы Кембридж қаласында жайласқан. Гарвард — АҚШ ҳәм дүньядағы илим ҳәм карьерада ең жоқары турыўшы университет.

Интернет мағлыўматлары тийкарында таярланды.

Абдураҳман Идрисов

Муҳаммад ал Беруний ислам билим журты мударриси