МУҲАМММАД ИБН АҲМАД АЛ-БЕРУНИЙ” ОРТА АРНАЎЛЫ ИСЛАМ БИЛИМ ЖУРТЫ

Билим журтында талабалар заман талапларына сай билим алыўы ушын барлық қолайлықлар жаратылған. Атап айтқанда, ең заманагөй оқыў қураллары менен тәмийинленген оқыў ханалары, мәлимлеме-ресурс орайы, дәретхана, асхана, жатақхана, спорт залы, мини футбол майданшасы, саламатлық ханасы, шаштәрезхана бар.

“Қураны кәрим ҳәм тәжўид” пуллы оқыў курслары

Өзбекстан Республикасы Президентиниң “Диний-ағартыўшылық тараўының жумысын түпкиликли жетилистириў илажлары ҳаққында”ғы 2018-жыл 16-апрелдеги ПП-5416-санлы Пәрманы менен тастыйықланған илажлар Бағдарламасының 6-бәнтинде белгиленген ўазыйпалардың орынланыўын тәмийинлеў мақсетинде Өзбекстан мусылманлары мәкемесиниң 2018-жыл 30-апрелдеги 01А/056-санлы буйрығы тастыйықланған. Усы мүнәсибет пенен Муҳаммад ибн Аҳмад ал-Беруний медресесинде 2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Мәлимлеме ресурс орайы

Муҳаммад ибн Аҳмад ал-Беруний” орта арнаўлы ислам билим журтының мәлимлеме ресурс орайы фондында жәми 17756 китап сақланбақта. Соннан, 1505 улыўма билимлендириў әдебиятлары, 4085 арнаўлы пәнлерден сабақлықлар, 764 социяллық-економикалық әдебиятлар, 7340 илимий-ғалабалық әдебиятлар, 919 електрон әдебиятлары қурайды.

Курслар

2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Талабалар

Бүгинги күнге келип билим журтында 148 талабаға 21 оқытыўшы тәрепинен тәлим-тәрбия берип келинбекте.

Жетискенликлеримиз

Билим журты оқытыўшылары ҳәм талабалары өткерилип келинетуғын түрли таңлаўларда қатнасып жоқары орынларды ийелеп келмекте.

БИЛИМ ЖУРТЫМЫЗ ПИТКЕРИЎШИЛЕРИНИҢ«ХАТМАНА – 2024» БАЙРАМ КЕШЕСИ ӨТКЕРИЛДИ

БИЛИМ ЖУРТЫМЫЗ ПИТКЕРИЎШИЛЕРИНИҢ«ХАТМАНА – 2024» БАЙРАМ КЕШЕСИ ӨТКЕРИЛДИ

Муҳаммад ибн Аҳмад ал-Беруний орта арнаўлы ислам билим журтында “ХАТМАНА – 2024” питкериў кешеси болып өтти.
Бул кешени билим журт директоры Ж.Абдиразаков ашып берди ҳәм кешемизге келген мийманларды қатнасыўшыларға таныстырды.
Илажға Қарақалпақстан Республикасы Министрлер Кеңеси баслығының социаллық ҳәм диний шөлкемлер бойынша орынбасары Р.Нуразизов, Қарақалпақстан мусылманлары қазыяты қазысы Б.Разов, билим журты оқытыўшылары, хызметкерлери, талабалары ҳәм олардың ата-аналары қатнасты.
Илаж Қураны кәрийм тиләўаты ҳәм дуўалар менен басланды. Илаж даўамында Р.Нуразизов питкериўшилерди Қарақалпақстан Республикасы Министрлер Кеңеси атынан қутлықлап, питкериўшилердиң алдағы жумысларында табыслар тиледи. Сѳз нәўбети Қарақалпақстан мусылманлары қазыяты қазысы Б.Разовқа берилди. Ол өз гезегинде питкериўшилерге насиятларын берип кешемизге келген ата-аналарды усы байрам менен қутлықлады. Соң билим журты директоры Ж.Абдиразаков питкериўшилерге алдында турған жуўапкершиликли ислери ҳақкында тоқтап өтти ҳам алдағы ийгиликли ислеринде табыслар тиледи.
Илаж даўамында кешемизге келген мийманлар ҳәм билим журты директоры тәрепинен өз әдеп-икрамлық пазыйлетлери менен басқаларға ѳрнек болып ҳәр қыйлы руўхый-ағартыўшылық ис-илажларда белсенди қатнасып сыйлы орынлар алып келген талабаларға ҳүрмет жарлықлар менен саўғалар тапсырылды.
Сондай-ақ, үлгили талабалардың ата-аналарына билим журты жәмәәти атынан алғыснамалар берилди.
Илаж соңында билим журты талабалары тәрепинен Қуран тиләўат қылынып, саўабы Ўатанымыз, халқымыз, динимиз ушын усы елде хызмет еткен уламаларға, устазларға ҳәм басқа да марҳумларға бағышланды.
Усы тәризде «Хатмана – 2024» питкериў кешеси көтериңки руўхта жуўмақланды.

Билим журты баспасѳз хызмети