МУҲАМММАД ИБН АҲМАД АЛ-БЕРУНИЙ” ОРТА АРНАЎЛЫ ИСЛАМ БИЛИМ ЖУРТЫ

Билим журтында талабалар заман талапларына сай билим алыўы ушын барлық қолайлықлар жаратылған. Атап айтқанда, ең заманагөй оқыў қураллары менен тәмийинленген оқыў ханалары, мәлимлеме-ресурс орайы, дәретхана, асхана, жатақхана, спорт залы, мини футбол майданшасы, саламатлық ханасы, шаштәрезхана бар.

“Қураны кәрим ҳәм тәжўид” пуллы оқыў курслары

Өзбекстан Республикасы Президентиниң “Диний-ағартыўшылық тараўының жумысын түпкиликли жетилистириў илажлары ҳаққында”ғы 2018-жыл 16-апрелдеги ПП-5416-санлы Пәрманы менен тастыйықланған илажлар Бағдарламасының 6-бәнтинде белгиленген ўазыйпалардың орынланыўын тәмийинлеў мақсетинде Өзбекстан мусылманлары мәкемесиниң 2018-жыл 30-апрелдеги 01А/056-санлы буйрығы тастыйықланған. Усы мүнәсибет пенен Муҳаммад ибн Аҳмад ал-Беруний медресесинде 2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Мәлимлеме ресурс орайы

Муҳаммад ибн Аҳмад ал-Беруний” орта арнаўлы ислам билим журтының мәлимлеме ресурс орайы фондында жәми 17756 китап сақланбақта. Соннан, 1505 улыўма билимлендириў әдебиятлары, 4085 арнаўлы пәнлерден сабақлықлар, 764 социяллық-економикалық әдебиятлар, 7340 илимий-ғалабалық әдебиятлар, 919 електрон әдебиятлары қурайды.

Курслар

2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Талабалар

Бүгинги күнге келип билим журтында 148 талабаға 21 оқытыўшы тәрепинен тәлим-тәрбия берип келинбекте.

Жетискенликлеримиз

Билим журты оқытыўшылары ҳәм талабалары өткерилип келинетуғын түрли таңлаўларда қатнасып жоқары орынларды ийелеп келмекте.

Билим журтында 9-май Еслеў ҳәм қәдирлеў күнине арналған ушырасыў кешеси өткерилди.

Билим журтында 9-май Еслеў ҳәм қәдирлеў күнине арналған ушырасыў кешеси өткерилди.

9-май «Еслеў ҳәм қәдирлеў» күни мүнәсибети менен билим журтында ветеран нураний  устаз ағаларымыз бенен ушырасыў кешеси болып өтти.
Бул ушырасыўға билим журтымыз устаз оқытыўшылары, талабалары ҳәм  билимлендириў тараўының раўажланыўына көп жыллар даўамында мийнет етип жумыс ислеген ветеран ағамыз Б.Султанов қатнасты.
     Жыйналысты билим журты директоры Ж.Абдиразаков кирис сөзи менен ашып берди ҳәм қатнасыўшыларға 9-май «Еслеў ҳәм қәдирлеў күни» мәмлекетимизде улыўмахалықлық байрам сыпатында белгиленетуғынлығын айтып өтти. Бүгинги белгиленип атырған байрамымыз сондай күн, бул байрам усы елде жасап атырған ҳәр бир шаңараққа, ҳәр бир үйге тиккелей байланыслы болған, олардың өмирине қандайдур терең из қалдырған тарийхый сәне есапланатуғынлығын айтып сөз нәўбетин кешемиз мийманына берди.
Бүгинги ушырасыў мийманы Б.Султанов өз баянатында Халқымызға тән болған мийрим-шәпәәт ҳәм мүриўбет бәрше байрамларымыз сыяқлы «Еслеў ҳәм қәдирлеў күни» мысалында да айқын көринеди. Өткенлер яды сондай руўхый-күш қүдирет, ол инсанның инсанлығын аңлатыўшы, оны өтмиш ҳәм келешек пенен байлап турыўшы уллы қәдирият, иләҳий неъмат есапланады. Еслеў – халық мәпи ушын гүрескен, ел-журт ҳүрметине мияссар болған адамларға болған жоқары ҳүрмет белгиси екенлигин қатнасыўшыларға айтып өтти.
Ушрасыў соңында қатнасыўшылар өзлерине қызықтырған сораўларын берип тийисли жуўаплар алды

Билим журты баспасөз хызмети