MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

Bilim jurtında bayram ilajı bolıp ótti.

Bilim jurtında bayram ilajı bolıp ótti.

30-sentyabr kúni Muhammad ibn Ahmad al-Beruniy orta arnawlı islam bilim jurtında «1-oktyabr – oqıtıwshı hám tárbiyashılar kúni» múnásibeti menen bayram ilajı bolıp ótti.
     Ilajda bilim jurtı oqıtıwshı-ustazları hám de talaba jasları qatnastı.
     Ilajdı bilim jurtı direktorı Jalalatdin Abdirazakov ashıp berdi hám jıynalǵanlardı «1-oktyabr – oqıtıwshı hám tárbiyashılar kúni» bayramı menen qutlıqladı.
     Keshede Ѳzbekstan musılmanları basqarması baslıǵı, muftiy Shayx Nuriddin Xoliqnazar háziretiniń oqıtıwshı hám tárbiyashılar kúni múnásebetine arnalǵan bayram qutlıqlawı sózin bilim jurtı oqıtıwshısı I.Allayarov oqıp esittirdi.
Soń keshemiz miymanı Qaraqalpaqstan musılmanları qazıyatı qazısı Baxramaddin Razov «Ustazlıq ullı nemat» atamasında bayanat jasadı hám ustazlardı bayram menen qutlıqladı.
     Ilaj barısında talabalar tárepinen ustazlarǵa arnalǵan qosıq qatarlar oqıp esittirilip keshemizge ózgeshe payız inam etti.
     Hesh bir insan ózine birinshi háripti úyretken ustazın yadınan shıǵara almaydı, desek, asıra aytqan bolmaymız.
     Áziz ustazlar bayramıńız múbárek bolsın!

Bilim jurtı baspasóz xızmeti