MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

BILIM JURTÍMÍZ PITKERIWSHILERINIŃ«XATMANA – 2025» BAYRAM KESHESI ÓTKERILDI

BILIM JURTÍMÍZ PITKERIWSHILERINIŃ«XATMANA – 2025» BAYRAM KESHESI ÓTKERILDI

Usı jıldıń 25-iyun kúni Muhammad ibn Ahmad al-Beruniy orta arnawlı islam bilim jurtında “XATMANA  – 2025” pitkeriw keshesi bolıp ótti.
Ilajǵa Qaraqalpaqstan musılmanları qazıyatı qazısı B.Razov, bilim jurtı direktorı J.Abdirazakov, bilim jurtı oqıtıwshı-xızmetkerleri, talabalar qatnastı.
Ilaj Quranı káriym tiláwatı hám duwalar menen baslandı.
Ilajda keshemiz miymanı B.Razov sózge shıǵıp, pitkeriwshilerge aldında turǵan juwapkershilikli isleri haqkında toqtap jáne bir márte eskertip ótti ham iygilikli islerinde tabıslar tiledi.
Keyin sózge bilim jurtı direktorı J.Abdirazakov shıǵıp, sońǵı jılları qolǵa kirgizilgen bilim jurtınıń jetiskenlikleri, erisken nátiyjelerin eslep ótti hám bul nátiyjelerde búgingi pitkeriwshilerdiń de úlesi bar ekenin aytıp ótti.
Ilaj sońında bilim jurtı talabaları tárepinen Quran tiláwat qılınıp, sawabı Watanımız, xalqımız, dinimiz ushın usı elde xızmet etken ulamalarǵa, ustazlarǵa hám basqa da marhumlarǵa baǵıshlandı. 
Usı tárizde «Xatmana – 2025» pitkeriw keshesi kóterińki ruwxta juwmaqlandı.