
Usı jıldıń 25-fevral kúni Imam Buxarıy atındaǵı Tashkent islam institutında Ózbekstan musılmanları basqarmasına qaraslı joqarı hám orta arnawlı islam bilim jurtları basshıları ushın seminar bolıp ótti.
Atap ótiw kerek, bul seminarda bilim jurtı direktorı Jalalatdin damla Abdirazakov qatnastı.
Seminardı Ózbekstan musılmanları basqarması baslıǵı orınbasarı M.Muxammadsiddiqov ashıp berdi.
Ilaj dawamında Ózbekstan Respublikası Din isleri boyınsha komiteti baslıǵınıń birinshi orınbasarı D.Maxsudov sózge shıǵıp, diniy-bilimlendiriw tarawında kadrlar tayarlaw sapasın jańa basqıshqa kóteriw, diniy bilim sistemasındaǵı əmeldegi məseleler, olardıń sheshimleri həm keleshektegi jobalar haqqında sóz juritdi.
Seminarǵa kelgen Ózbekstan musılmanları basqarmasına qaraslı joqarı həm orta arnawlı islam bilim jurtları basshıları Imam Buxarıy atındaǵı Tashkent islam institutı talabaları menen ushırastı.
Ushırasıw barısında talabalardıń ilim alıw menen birge keleshekte xalqımızǵa sap islamıy bilimlerdi jetkiziw, xalıqtıń ruwxıy ómirin jəne de kóteriw həm de ata-babalarımızdıń bay-ruwxıy miyrasların jetkiziw sıyaqlı bir qatar məseleler boyınsha sóz júritildi.