MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

«SUNANI TERMIZIY»DIŃ HÁDIS ILIMINE QOSQAN ÚLESI

«SUNANI TERMIZIY»DIŃ HÁDIS ILIMINE QOSQAN ÚLESI

Imam Termiziydiń jazǵan kitapları júdə kóp, biraq olardıń ishinde eń belgili shıǵarması «Sunani Termiziy» bolıp tabıladı. Muhaddis kitabın 51 bólimge bólgen. Bólimler ishinde jəmi 2231 bap bar. Hádisler sanı bolsa 3956nı quraydı. Bul sanlar hər qıylı nusqalar itibarınan ózgeriwi múmkin. Imam Termiziydiń bul kitaptı jazıwdaǵı usılı birinshi hədisti ráwiyat qıladı keyin fiqhiy húkimge baylanıslı məselelerdi aytıp, ulamalardıń sol boyınsha qanday jol tutqanın da kórsetip ótedi. Bunnan tısqarı sol hədiske sahih, hasan, zayıf dep dərejesin həm basqa ráwiyler rəwiyat etken turuqların da aytıp ótedi.

Sunani Termiziy ulamalar arasında bir neshe atamalar menen tanılǵan:

1. «Sahihut Termiziy»

2. «Al-Jəmi as-sahih»

3. «Al-Jámi ul-kábiyr»

4. «Sunani Termiziy»

 5. «Jámi ut-Termiziy».

Barlıq ulamlar bul kitaptı eń isenimli atlı hádis kitabınan biri dep esaplaydı. Bul kitaptı kóplegen ulamalar maqtap, bahalı pikirlerin bildirgen. Maqdisiy aytadı: «Meniń názerimde bul kitap Imam Buxarıy həm Imam Muslimlerdiń kitabınan paydalıraq. Sebebi bul eki kitaptan  ulamalar ǵana paydalana aladı. Al, Sunani Termiziyden həmme paydalana alıwı múmkin.

Ibn Kásiyr «al-Bidaya wán-nihaya» kitabında: «Sunani Termiziy jer júzindegi barlıq insanlar múráját etetuǵın altı kitaptan biri», deydi.

Aliy Qarıy «Mirqatul mafotih»ta: «Imam Termiziydiń hədis boyınsha kóp kitapları bar. Ásirese «Sunani Termiziy» kitabı hədis kitaplarınıń eń jaqsısı», dep aytqan.

Shayx Abdulaziz Dehlawiy «Bustanul muhaddisin» kitabında bul kitaptı maqtap, basqa kitaplardan tómendegi tórt ózgesheligi menen ajralıp turadı, deydi.

1. Shıraylı tərtiplengeni həm hədisler təkirarlanbaǵanı

2. Faqihlardıń mázhabların bayan etkeni

3.Hádislerdi sahih, hasan, munkar həm basqa atamalar menen ajıratıp beriwi

4. Ráwiylerdiń kunyaların, atların, belgili sıpatların da kórsetip ótkeni.

 Imam Termiziydiń ózi bul kitabı haqqında bılay degen:

«Bul kitaptı jazıp bolǵanımnan keyin, onı Hijaz, Iraq hám Xorasan ulamalarına kórsettim. Olar bunı jaqsı qabıl etti. Kimniń úyinde bul kitap bolsa, sol shańaraqta Payǵambar sallallahu alayhi wa sallam sóylep atırǵanday boladı».

Bilim jurtı oqıtıwshısı A.Idrisov