MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

BILIM JURTÍNDA "IMAM TERMIZIYDIŃ ILMIY MIYRASLARÍN ÚYRENEMIZ" URANÍ ASTÍNDA BELLESIW BOLÍP ÓTTI.

BILIM JURTÍNDA "IMAM TERMIZIYDIŃ ILMIY MIYRASLARÍN ÚYRENEMIZ" URANÍ ASTÍNDA BELLESIW BOLÍP ÓTTI.

Usı jıldıń 19-sentyabr kúni Muhammad ibn Ahmad al-Beruniy orta arnawlı islam bilim jurtında 4-kurs talabaları arasında "IMAM TERMIZIYDIŃ ILMIY MIYRASLARÍN ÚYRENEMIZ" uranı astında bellesiw bolıp ótti.

Bul bellesiw 3 shártten ibarat bolıp, birinshi shárt tańlanǵan bilet tiykarında muhaddislerdiń ómir bayanın aytıp beriw. Usı shártte hár bir topardıń qatnasıwshısına juwap beriw ushın úsh minut waqıt berildi.

Ekinshi shárt bellesiwdiń mazmunına tiyisli qısqa soraw-juwaplar shárti bolıp, bunda hár bir topardıń bir qatnasıwshısına on bes  soraw tóreshiler quramı tárepinen berildi.

Úshinshi shártte muhaddislerdiń ómirine baylanıslı ibratlı waqıyalar atamasında saxnalıq kórinis shólkemlestiriw. Bunda qatnasıwshılarǵa saxnalıq kórinisti jarıtıp beriw ushın 7 minut waqıt berildi.

Hár bir tóreshi quramı aǵzası qatnasıwshılardıń sorawlarǵa bergen juwaplarına kóre hám kórsetken saxnalıq kórinislerinen kelip shıǵıp 1 balldan 5 ballǵa shekem bahalap baradı.

Bellesiw juwmaǵına kóre 402-topar talabaları 39 ball menen birinshi orındı qolǵa kiritip, jeńimpaz boldı. 401-topar talabaları 36 ball menen ekinshi orındı, al 403-topar talabaları 30 ball menen úshinshi orındı qolǵa kirgizdi.

Jeńispaz bolǵan topar aǵzalarına bilim jurtı jámááti tárepinen maqtaw jarlıǵı hámde qımbat bahalı sawǵalar menen sıylıqlandı.

Bilim jurtı baspasóz xızmeti