MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

Ózbekstan musılmanları basqarması diniy bilim jurtları basshılarınıń oqıw seminarı bolıp ótti.

Ózbekstan musılmanları basqarması diniy bilim jurtları basshılarınıń oqıw seminarı bolıp ótti.


Búgin 28-avgust kúni "Koʻkaldosh" orta arnawlı islam bilim jurtında Ózbekstan musılmanları basqarması janındaǵı Joqarı hám orta arnawlı diniy bilim jurtları basshıları qatnasıwında seminar bolıp ótti.
Seminarda barlıq diniy bilim jurtları basshıları qatarı Muhammad ibn Ahmad al-Beruniy orta arnawlı islam bilim jurtı direktorı J.Abdirazakov qatnastı.
Bul seminar Quranı káriym tiláwatı hám qayırlı duwalar menen baslandı soń 2024-2025 oqıw jılında diniy bilim jurtlarında tálimniń sıpatın jánede asırıw, pedagog-oqıtıwshılardı ilimiy-izertlew jumıslarına keńnen qamtıw boyınsha Ózbekstan musılmanları basqarması baslıǵı orınbasarı M.Muxammadsidikov, Joqarı hám orta arnawlı diniy bilim jurtlarınıń basshı-kadrlar hám pedagog-oqıtıwshıların attestaciyadan ótkeriwin joqarı dárejede shólkemlestiriliwin, orta arnawlı islam bilim jurtları oqıw rejesine jańa kirgizilgen pánler haqqında Ózbekstan musılmanları basqarması Tálim hám ilimiy-izertlew bólimi baslıǵı S.Sherxonov sózge shıqtı.
Sonday-aq, 2024-2025 oqıw jılınıń ekinshi semestr juwmaqları, talaba hám pedagog-oqıtıwshılarǵa qolay shárt-sharayatlar jaratıw boyınsha alıp barılıp atırǵan jumıslar  esaplanıp, tiyisli usınıslar berildi. Joqarı hám orta arnawlı diniy bilim jurtlarında 2024-2025 oqıw jılı ushın tólem-kontrakt muǵdarın belgilew, talabalar stipendiyası, pedagog-oqıtıwshı hám de xızmetkerlerdiń aylıq is xaqıların asırıw máseleleri kórip shıǵıldı.
Seminar dástúri sońında, bilim jurtları basshıları tárepinen 2023-2024 oqıw jılı juwmaqları, bar bolǵan mashqalalar hám olardı saplastırıw boyınsha usınıslar hámde 2024-2025 oqıw jılına tayarlıq barısları xaqqında esabatlar berildi.
Seminar 2023-2024 oqıw jılında erisken jetiskenlikler, ámelge asırılǵan jumıslar hámde jol qoyılǵan kemshilikler aytıp ótildi hámde jańa 2024-2025 oqıw jılında ámelge  asırılatuǵın jumıslar menen rejeler dodalandı.

Bilim jurtı baspasóz xızmeti