
Ilm-bilim inson hayotida muhim ahamiyatga ega. Ilmsizlikning oqibatlari juda jiddiy va keng qamrovli boʻlishi mumkin. Quyidagi maqolada bu oqibatlarning bazilari haqida gapirishga harakat qilamiz.
- Taraqqiyotning toʻxtashi
Ilm-bilimning etishmasligi jamiyatning rivojlanishiga toʻsqinlik qiladi. Yangiliklar va texnologiyalar yaratilishida orqa qolish, iqtisodiy va ijtimoiy taraqqiyotning sekinlashishiga sabab boʻladi. Ilmga asoslangan yangiliklar koʻpincha iqtisodiy oʻsishning asosi boʻladi, shuning uchun ilmsiz jamiyatlar koʻpincha iqtisodiy jihatdan orqa qolishadi.
- Marifatsizlik va jaholat
Ilmsizlik jamiyatda jaholat va turli xato etiqodlar tarqalishiga sabab boʻladi. Insonlar ilm-fan orqali dunyo haqida toʻǵri malumotlarga ega boʻlishlari mumkin. Ilm-bilim insonlarni turli afsona va xato tushunchalardan ozod qiladi. Agar jamiyatda ilmsizlik hukmron boʻlsa, unda turli irim-sirimlar va notoʻǵri malumotlar koʻpayib, odamlarning ongini zaharlashi mumkin.
- Soǵliqni saqlashning yomonlashuvi
Ilm-bilim soǵliqni saqlash sohasida ham muhim ahamiyatga ega. Ilmsizlik soǵliqqa salbiy tasir koʻrsatishi mumkin. Masalan, odamlar tibbiy malumotlarga ega boʻlmasalar, turli kasalliklarning oldini olish va davolashda xatoliklarga yoʻl qoʻyishlari mumkin. Bu esa kasalliklar tarqalishi va oʻlim darajasining ortishiga olib keladi.
Xulosa
Ilmsizlik jamiyatning turli jabhalariga salbiy tasir koʻrsatadi. Ilm-bilim jamiyatning rivojlanishi, soǵlom hayot tarzi va adolatli qarorlar qabul qilish uchun zarurdir. Shuning uchun, ilmga intilish va bilimga ega boʻlish har bir insonning va jamiyatning asosiy maqsadi boʻlishi kerak.
Muhammad ibn Ahmad al-Beruniy oʻrta maxsus islom bilim yurti matbuot kotibi A.Nurımbeto