MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

"Qabıllaw-2024" baslandı !!!

"Qabıllaw-2024" baslandı !!!

🗣 "Muhammad ibn Ahmad al-Beruniy" orta arnawlı islam bilim jurtına 2024-2025 oqıw jılı ushın hújjetlerdi qabıllaw processi 20-iyunnan baslandı.

📆Qabıllaw processi 20-iyunnan 20-iyulǵa shekem OFFLAYN FORMADA (Ekshembi hám bayram kúnlerinen tısqarı) saat 09:00 den 17:00 ge shekem dawam etedi.

🗂 Kerekli hújjetler:

📝bilim jurtı direktorı atına arza;
🪪 pasport yaki ID karta nusqası (túp nusqa kórsetiledi);
📚 maǵlıwmatı haqqında attestat yaki diplom (túp nusqası)
👤 3,5 x 4,5 kólemindegi 6 dana reńli foto súwret (aqırǵı úsh ayda alınǵan hám arqa fonı aq reńde bolıwı talap etiledi)
✅ shet tilin biliwi haqqındaǵı sertifikat (maǵlıwmatı haqqındaǵı hújjette kórsetilgen shet tilinen basqa shet til boyınsha test tapsırıwshılar ushın) túp nusqası.

‼️ Bilimlendiriw mákemelerin aldıńǵı jıllarda pitkergen abiturientler testke kiriw ushın bazalıq esaplaw muǵdarınıń yarım esesi yaǵnıy 170.000 sum tólem tólew kerek boladı. Usı jılda oqıwdı tamamlaǵan abiturientlerden bolsa tólem óndirilmeydi.

📍 Mánzil: Nókis qalası, Bilimler guzarı kóshesi, 1a-jay.

☎️ Telefon nomer: +998(55)101-55-12

👨‍💻Bilim jurtı baspasóz xızmeti