MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

Bilim jurtında Ózbekstan musılmanları basqarması qánigeleri menen ushırasıw boldı.

Bilim jurtında Ózbekstan musılmanları basqarması qánigeleri menen ushırasıw boldı.

2024-jıl 16-aprel sánesinde Muhammad ibn Ahmad al-Beruniy orta arnawlı islam bilim jurtında Ózbekstan musılmanları basqarması Tálim hám ilimiy izertlew bólimi qánigesi A.Doʻstmatov,  Ózbekstan musılmanları basqarması Meshitler menen islesiw bólimi qánigesi M.Jabbarov, Qaraqalpaqstan musılmanları qazıyatı qazısı B.Razovlar menen ushırasıw bolıp ótti.
     Ushırasıwdı bilim jurtı direktorı J.Abdirazakov kiris sóz benen ashtı hám basqarıp bardı.
     Házirgi kúnge kelip, Ózbekstan musılmanları basqarmasına qaraslı úsh joqarı hám on orta arnawlı islam bilim jurtlarında talabalardıń tájiriybeli ustazlardan tálim hám tárbiya alıp atırǵanlıǵı aytıldı. Sonday-aq, orta arnawlı islam bilim jurtların tamamlaǵan talabalar Ózbekstan musılmanları basqarması baslıǵı muftiy háziretleriniń buyrıǵı tiykarında jumısqa jaylasıwına iye bolıp atırǵanlıǵı aytıp ótildi.

Sonday-aq, bilim jurtında tálim alıp atırǵan 4-kurs talabaları menen olardıń keleshektegi Respublikamızdıń rawajlanıwına óz tarawları boyınsha jumıs orınlarına jaylasıwı, bólistiriliwi haqqında sáwbetlesti hám ózlerinen qızıqtırılǵan sorawlarǵa tolıq juwapların alıp mazmunlı, tásirli tárizde boldı.
Kelgen miymanlarımız talabalarǵa keleshektegi iygilikli jumıslarına tabıslar tilep ushırasıwdı juwmaqladı.

Bilim jurtı baspasóz xızmeti