
Búgin 06-mart kúni "Muhammad ibn Ahmad al-Beruniy" orta arnawlı islam bilim jurtında islam bilimlendiriw mákemelerine oqıwǵa kiriw niyetinde bolǵan abiturientler ushın tayarlıq kursı shólkemlestirilip, oqıw shınıǵıwları baslandı.
Iláj dawamında tayarlıq kursında oqıw niyetin bildirgen tıńlawshılar menen jıynalıs ótkerildi. Jıynalısta bilim jurtı direktorı J.Abdirazakov, bilim jurtı direktor orınbasarı S.Kudaybergenov, oqıw kursı metodisti A.Jiyemuratov hám de oqıw kursı oqıtıwshıları qatnastı.
Jıynalısta bilim jurtı direktorı tárepinen tayarlıq kurstıń maqseti, belgilengen wazıypaları haqqında maǵlıwmat berip ótti.
Sonıń menen birge, tıńlawshılar tárepinen ámel etiliwi kerek bolǵan máseleler, atap aytqanda, bilim jurtı ishki tártip-qaǵıydaları, kiyiniw mádeniyatı, oqıw shınıǵıwlarında qatnasıw tártibi tuwrısında da aytıp ótildi.
Jıynalıs sońınan keyin tıńlawshılar pánler sheńberinde gruppalarǵa ajıratılıp, oqıw shınıǵıwları kestesi tiykarında bilim jurtınıń tájiriybeli oqıtıwshılarına biriktirildi.