MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

Bilim jurtında ruwxıy-aǵartıwshılıq iláj ótkerildi.

Bilim jurtında ruwxıy-aǵartıwshılıq iláj ótkerildi.

Búgin 04-mart kúni Nókis Muhammad ibn Ahmad al-Beruniy orta arnawlı islam bilim jurtında Milletleraralıq tatıwlıqtı bekkemlew, jaslardı watansúyiwshilik ruwxında tárbiyalaw hámde kitapqumarlıqqa bolǵan qızıǵıwshılıǵın arttırıw maqsetinde ruwxıy-aǵartıwshılıq iláji ótkerildi.
  Ilájda Nókis qalalıq «Nuranıy» qorı baslıǵı K.Kalenderov, Bilimlendiriw tarawında kóp jıllar xızmet etken Nuranıy B.Sultanov, Din isleri boyınsha Nókis qalalıq bólimi bas qánigesi X.Nezametov, Respublika Ruwxıylıq hám aǵartıwshılıq orayı Nókis qalalıq bólimi qánigesi Q.Nuratdinov, Xalıq deputatları Nókis qalalıq Qeńesi sektorı baslıǵı T.Dashekenovlar qatnastı. Májilisti bilim jurtı direktorı J.Abdirazakov kiris sózi menen ashıp berdi hám kelgen miymanlardı qatnasıwshılarǵa tanıstırıp ótti. Bul jıynalıs Ózbekstan Respublikası Din isleri boyınsha Komitetiniń rejesi tiykarında ótkerilip atırǵanın, sonday-aq sońǵı jılları húrmetli Prezidentimiz tárepinen bilimlendiriwge, ilim-pándi rawajlandırıwǵa hám jaslardıń tárbiyasına ayrıqsha itibar qaratılıp atırǵanın atap ótti. Keyin sóz náwbeti Bilimlendiriw tarawında kóp jıllar xızmet etken Nuranıy B.Sultanovqa berildi. Ol búgingi kúnde elimizde júz berip atırǵan jańalanıwlar, rawajlanıwlar elimizdiń rawajlanıw jolın, mámleketimizde ámelge asırılıp atırǵan jańalanıwlar haqqında qatnasıwshılarǵa qısqasha túsinik berdi. Kún tártibindegi máseleler boyınsha Din isleri boyınsha Nókis qalalıq bólimi bas qánigesi X.Nezametov sózge shıǵıp, elimizdegi sońǵı ózgerisler, jetiskenlikler, jaslarǵa qaratılıp atırǵan imkaniyatlar, sonday-aq usınday ruwxıy aǵartıwshılıq ilájlar arqalı jaslarda elimizde alıp barılıp atırǵan reformalar haqqında maǵlıwmatqa iye bolatının aytıp ótti.