MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

TÍNÍSHLÍQTÍ ASÍRAW DÁWIR TALABÍ

Tınıshlıǵımızdı jánede bekkemlew, muqaddes dinimizdiń pákligin asıraw dáwir talabı. XXI ásir – qıyın ásir boldı. Házirgi ásirimizde eń awır mashqala bul – ekstrimizm, terrorizm ásirese eń úlken gúná bul muqaddes dinimizdi nıqap qılıp alıp, túrli jerlerde bolıp atırǵan ayawsız adam óltiriw, qalalardı wayran qılıw hám bárshe buzǵınshılıqlar.

 Allah taala Quranı káriymde jer betin abat qılıńlar dep buyıradı. Bunıń mısalı jurtımız kúnnen-kúnge abat bolıp, musılmanshılıq ta, bereket te hámme-hámmesi bizde. Bunıń menen bizler qansha shúkir qılsaq arzıydı. Sebebi, muqaddes dinimiz pák din, xalıq párwar, tınıshlıqtı súyetuǵın din. Bul din hesh waqıtta da qan tógiwdi jaqlamaydı. Bir insannıń ólimine sebepshi bolǵan insandı, pútkil insaniyattıń ólimine sebepshi bolıp gúná dárejesine kótergen din hesh waqıtta insan túwe, hátte haywanǵa da azar beriwden qaytarıp kelgen.

Globbalasıw dáwiri tez pát penen tús alǵan  búgúngi dúnyada túrli idealogiyalıq oraylar bar bolıp, olar jaslar ańın hám dúnya qarasına tásir ótkizbeshi. Olardı óz jolına salmaqshı boladı. Bunday shárayıtta óz tariyxın jaqsı bilgen, milliy qádriyatlarınan jaqsı xabarı bar bolǵan millet hám xalıqlarǵana  túrli shaqırıqlarǵa itibar bermeydi. Tańlaǵan jolınan dádil adımlap baraberedi. Sonıń ushın jaslarımız jáhándi teńsiz aqıl-zákawatı menen lal qaldırǵan ilim máriypatta belgili ata-babalarımızdıń miyrasın, máselen Imam Matrudiydi bilse, Imam Buxarıydı bilse hesh qashan bunday jolǵa kirmeydi. Sebebi, kitap oqıǵan ilim-máriypattan xabarı bar adam, bunday jaman islerge qol urmaslıǵı anıq.

Ámir Temur babamız aytqanınday: “Kitap bárshe búnyadkárlıq, jaratıwshılıq hám ilimniń tiykarıdur. Turmıstı úyretiwshi tárbiyashı”, dep aytıp ótken. Ata-babalarımız, kitap oqıwǵa hámiyshe eń zárúr wazıypa sıpatında qarap, ilim úyreniw, kitap jazıw barısında tariyxımız dawamında basqalarǵa órnek bolǵan. Quranı káriymniń eń birinshi nazıl bolǵan ayatı «Oqı» degen buyrıq bolǵan. Tariyxtan bizge belgilii, aldın Yassawiy, Bedil, Fezuliy, Maxtımqulı, Máshrab ǵázellerin yadtan bilmeslik ar sanalǵan. Hádiysi sháriyfte: Payǵambarımız sallallahu alayhi wasallamnan Abbas razıyallahu anhu soradı: Háy Rasulullah bizlerge bir duwanı aytıń ol duwa bizlerge tán bolsın. Sonda Payǵambarımız: Háy Abbas hám onıń shańaraǵı Allahtan aman-esenlik sorań! Aman-esenlik nematına teń keletuǵın nemat joq dedi. Aman-esenlikti sorayıq, dinimizde, dúnyamızda aman-esenlik, shańaraǵımızda, kásibimizde aman-esenlik, jurtımızǵa, milletimizge aman-esenlikti Allah taaladan sorayıq hám hámme mómin-musılmanlarǵa Allah taaladan aman-esenlik sorayıq. Jaksılıq qılayıq Allah taalanıń raxmatı jaqsılarǵa jaqın. Payǵambar sallallahu alayhi wasallam da bul nematlarǵa, aman-esenlik nematına shúkir kılıwǵa, tilimiz benen dilimiz benen denemiz benen shúkir kılıwǵa buyırǵan.

Bazı nematlar bar «Álxamdu lillax» dep til menen ol nemattıń shúkirin orınlaǵan bolamız. Bazı bir nematlar bar olardıń shúkirin orınlawımız ushın tildi de, dildi de hám denemizdi de isletiwimiz kerek. Ol – tınıshlıq nematı. Qolımızdan kelgenshe jaqsılıq qılıwǵa háreket qılayıq,

Nókis Muhammad ibn Ahmad al-Beruniy orta arnawlı

islam bilim jurtı oqıtıwshısı Upaev Tuelbay