MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

Álisher Nawayı ádebiy miyrası hám ruwxıy qádiryatlar

Álisher Nawayı ádebiy miyrası hám ruwxıy qádiryatlar

Usı jıldıń 09-fevral kúni «Ózbekstan halıq aralıq islam akademiyası» qasındaǵı imamlardıń tájiriybesin arttırıw bólimi Qaraqalpaqstan Respublikası aymaqlıq bóliminde turkiy xalıqlar ádebiyatınıń kórnekli uákili, ózbek ádebiy tiliniń tiykarın salıwshısı, shayır xám mámleket ǵayratkeri, ǵázel múlkiniń sultanı Álisher Nawayı tuwılǵanına 583 jıl tolıwı munásibeti menen kórkem ádebiy keshe bolıp óttı.
Ilájda Ajiniyaz atındaǵı Nókis mámleketlik pedagogikalıq institutınıń Filologiya fakultetiniń filologiya pánleri kandidatı, filosofiya pánleri boyınsha doktori H. Allambergenov hámde Nókis Muhammad ibn Ahmad al-Beruniy orta arnawlı islam bilim jurtı talaba-jasları miymanda boldı.
Ushrasıwda «Ózbekstan halıq aralıq islam akademiyası» qasındaǵı imamlardıń tájiriybesin arttırıw bólimi Qaraqalpaqstan Respublikası aymaqlıq bólimi baslıǵı Abibullaev Amet kiris sózge shıǵıp, Álisher Nawayınıń pútkil dúnyada súyip oqılatuǵın, kóplegen tillerge awdarılǵan shıǵarmaları bir neshe ásir ótse de elege shekem xalqımızdı, milliy úrp-ádet hám dástúrlerimizdi, ullı qádiriyatlarımızdı dúnyaǵa tanıtıp atırǵanlıǵın atap ѳtti.
Tadbirde Ajiniyaz atındaǵı Nókis mámleketlik pedagogikalıq institutıniń Filologiya fakultetiniń filologiya pánleri kandidatı, filosofiya pánleri boyınsha doktori H. Allambergenov sózge shıǵıp, Álisher Nawayı óz dóretpeleri arqalı hadallıq hám ádillik, ruwxıy jetiklik ideyaların sáwlelendiriwshi, insanlardı kámillikke shaqıratuǵın shın mánisindegi xalqımızdıń maqtanıshına aylanǵanlıǵın atap ótti.
Atap aytqanda, hár birimiz ullı shayırımızdı maqtanısh etip, Nawayı izbasarları bolǵan búgingi kún jaslarına usı sezimdi sińdiriwimiz, Nawayı áwladına múnásip bolıwǵa háreket etip, olarday el tanıytuǵın kámil insan bolıp jetilisiwine baǵdarlawımız hám qollap-quwatlawımız zárúr.