МУҲАМММАД ИБН АҲМАД АЛ-БЕРУНИЙ” ОРТА АРНАЎЛЫ ИСЛАМ БИЛИМ ЖУРТЫ

Билим журтында талабалар заман талапларына сай билим алыўы ушын барлық қолайлықлар жаратылған. Атап айтқанда, ең заманагөй оқыў қураллары менен тәмийинленген оқыў ханалары, мәлимлеме-ресурс орайы, дәретхана, асхана, жатақхана, спорт залы, мини футбол майданшасы, саламатлық ханасы, шаштәрезхана бар.

“Қураны кәрим ҳәм тәжўид” пуллы оқыў курслары

Өзбекстан Республикасы Президентиниң “Диний-ағартыўшылық тараўының жумысын түпкиликли жетилистириў илажлары ҳаққында”ғы 2018-жыл 16-апрелдеги ПП-5416-санлы Пәрманы менен тастыйықланған илажлар Бағдарламасының 6-бәнтинде белгиленген ўазыйпалардың орынланыўын тәмийинлеў мақсетинде Өзбекстан мусылманлары мәкемесиниң 2018-жыл 30-апрелдеги 01А/056-санлы буйрығы тастыйықланған. Усы мүнәсибет пенен Муҳаммад ибн Аҳмад ал-Беруний медресесинде 2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Мәлимлеме ресурс орайы

Муҳаммад ибн Аҳмад ал-Беруний” орта арнаўлы ислам билим журтының мәлимлеме ресурс орайы фондында жәми 17756 китап сақланбақта. Соннан, 1505 улыўма билимлендириў әдебиятлары, 4085 арнаўлы пәнлерден сабақлықлар, 764 социяллық-економикалық әдебиятлар, 7340 илимий-ғалабалық әдебиятлар, 919 електрон әдебиятлары қурайды.

Курслар

2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Талабалар

Бүгинги күнге келип билим журтында 148 талабаға 21 оқытыўшы тәрепинен тәлим-тәрбия берип келинбекте.

Жетискенликлеримиз

Билим журты оқытыўшылары ҳәм талабалары өткерилип келинетуғын түрли таңлаўларда қатнасып жоқары орынларды ийелеп келмекте.

Муҳаммад ибн Аҳмад ал-Беруний орта арнаўлы ислам билим журтында «Бес баслама олимпиадасы» шеңберинде Медресе кубогы жарысы өткерилди.

Муҳаммад ибн Аҳмад ал-Беруний орта арнаўлы ислам билим журтында «Бес баслама олимпиадасы» шеңберинде Медресе кубогы жарысы өткерилди.


Бүгин, билим журты спорт майданында «Бес баслама олимпиадасы» шеңберинде өткерилетуғын «Медресе кубогы»на арналған спорттың «Киши футбол» түрине старт берилди.
Бул жарыс хызметкерлер ушын әжайып спорт ис-илажына айланды, буған Қарақалпақстан Республикасы Министрлер Кеңеси баслығының социаллық ҳәм диний шөлкемлер бойынша орынбасары Р.Нуразизов, Қарақалпақстан мусылманлары қазыяты қазысы Б.Разов ҳәмде билим журты директоры Ж.Абдиразаковлар қатнасып, жарыс қатнасыўшыларына әўметлер тиледи.
Бул жарысқа Қарақалпақстан мусылманлары қазыяты қәнигелери топары бир команда, Өзбекстан халықаралық ислам академиясы жанындағы қәнигелик арттырыў орайының Қарақалпақстан Республикасы аймақлық филиалына қәнигелигин арттырыў ушын Хорезм ўәлаяты ҳәмде Қарақалпақстан Республикасы аймағынан келген имам-хатиб ҳәм имам-найыблары топарынан еки команда, билим журты оқытыўшылары топары бир команда ҳәм хызметкерлер топарынан бир командаларынан ибарат болып улыўма бес команда бүгинги жарысқа қатнасты.
Командалар жәмлеген жарыс қызғын беллесиўлерге бай тәризде болып өтти. Киши футбол жарысы усы күнниң өзинде жуўмақланды ҳәм жарыс соңында жеңимпазларға дәрежелестирилген диплом саўғалар берилди.
Бүгинги жарыста жеңимпаз болған командаға билим журты кубогы ҳәм 1-дәрежели диплом сондай-ақ, жарыстың екинши, үшинши орын алған командаларына 2-3 дәрежели диплом ҳәм саўғаларды Қарақалпақстан Республикасы Министрлер Кеңеси баслығының социаллық ҳәм диний шөлкемлер бойынша орынбасары Р.Нуразизов тәрепинен тапсырылды.
Соның менен бир қатарда командалар ишинде ойын ўақтында өзлериниң шеберлиги менен белсенди қатнасқан ойыншыларға ең жақсы дарўазашы, ең жақсы қорғаўшы, ең жақсы ярым қорғаўшы, ең жақсы ҳүжимши ҳәм ең жақсы ойыншы номинациалар белгиленип билим журты директоры Ж.Абдиразаков тәрепинен ҳүрмет жарлықлар ҳәм қымбат баҳалы саўғалар тапсырылды.
Соңынан барлық жарыс қатнасыўшыларына алдағы жумысларында табыслар тилеп жарысты жуўмақлады.
Билим журты баспасөз хызмети