МУҲАМММАД ИБН АҲМАД АЛ-БЕРУНИЙ” ОРТА АРНАЎЛЫ ИСЛАМ БИЛИМ ЖУРТЫ

Билим журтында талабалар заман талапларына сай билим алыўы ушын барлық қолайлықлар жаратылған. Атап айтқанда, ең заманагөй оқыў қураллары менен тәмийинленген оқыў ханалары, мәлимлеме-ресурс орайы, дәретхана, асхана, жатақхана, спорт залы, мини футбол майданшасы, саламатлық ханасы, шаштәрезхана бар.

“Қураны кәрим ҳәм тәжўид” пуллы оқыў курслары

Өзбекстан Республикасы Президентиниң “Диний-ағартыўшылық тараўының жумысын түпкиликли жетилистириў илажлары ҳаққында”ғы 2018-жыл 16-апрелдеги ПП-5416-санлы Пәрманы менен тастыйықланған илажлар Бағдарламасының 6-бәнтинде белгиленген ўазыйпалардың орынланыўын тәмийинлеў мақсетинде Өзбекстан мусылманлары мәкемесиниң 2018-жыл 30-апрелдеги 01А/056-санлы буйрығы тастыйықланған. Усы мүнәсибет пенен Муҳаммад ибн Аҳмад ал-Беруний медресесинде 2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Мәлимлеме ресурс орайы

Муҳаммад ибн Аҳмад ал-Беруний” орта арнаўлы ислам билим журтының мәлимлеме ресурс орайы фондында жәми 17756 китап сақланбақта. Соннан, 1505 улыўма билимлендириў әдебиятлары, 4085 арнаўлы пәнлерден сабақлықлар, 764 социяллық-економикалық әдебиятлар, 7340 илимий-ғалабалық әдебиятлар, 919 електрон әдебиятлары қурайды.

Курслар

2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Талабалар

Бүгинги күнге келип билим журтында 148 талабаға 21 оқытыўшы тәрепинен тәлим-тәрбия берип келинбекте.

Жетискенликлеримиз

Билим журты оқытыўшылары ҳәм талабалары өткерилип келинетуғын түрли таңлаўларда қатнасып жоқары орынларды ийелеп келмекте.

Исламда саўда ҳәм исбилерменликти раўажландырыў бойынша ушырасыў болды.

Исламда саўда ҳәм исбилерменликти раўажландырыў бойынша ушырасыў болды.

2024-жыл 25-апрель күни Өзбекстан халықаралық ислам академиясының Ислам энциклопедиясы бөлим баслығы, экономика илимлериниң докторы, академик Н.Тухлиев, Өзбекстан халықаралық ислам академиясы “Ислам экономика ҳәм финансы, зиярат туризими” кафедрасы профессоры, экономика илимлериниң докторы Р.Абдуллаевлар менен ушырасыў кешеси болып өтти.
Ушырасыўға Өзбекстан халықаралық ислам академиясы жанындағы қәнигелик арттырыў орайының Қарақалпақстан Республикасы аймақлық филиалына қәнигелигин арттырыў ушын Хорезм ўәлаяты ҳәмде Қарақалпақстан Республикасы аймағынан келген имам-хатиб ҳәм имам-найыблар, билим журты педагог-оқытыўшылар ҳәмде талабалар қатнасты.
Бул ушырасыў кешесин Муҳаммад ибн Аҳмад ал-Беруний орта арнаўлы ислам билим журты директоры Ж.Абдиразаков алып барды.

Бүгинги ушырасыўдағы мийманымыз Н.Тухлиев өз баянатында исламда саўда сатықты, республикамызда исбилермеклик пенен ишки туризмди белгили зияратлаў орынларында саяхатлар шөлкемлестириў, ишки туризмди раўажландырып адамлар руўхый мәдений деп алып жасаў кереклигинде айтып өтти.
Р.Абдуллаевта өз гезегинде Ислам дининде саўданың әҳмийети ҳәм тутқан орны оғада үлкен болады. Төмендеги тарыйхый бөлим буның айқын көриниси. Расулуллоҳ (с.а.ў) Мадинаи Мунаўўараға зыярат қылып барғанында дәслеп мешит қурдырған болса, екинши жумысы ол жерде мусылманлар ушын саўда орайлары базар шөлкемлестириў болды. Бул ўакыя ислам тарыйхында атақлы болып табылады. Соны нәзерде тутқан ҳалда айтыўымыз мүмкин, исламда хадал саўда менен шуғылланыў әҳмийетли әмеллериниң бири екенлигинде ескертти.
Ушрасыў соңында бүгинги мийманлар билим журты жәмәәтине китаплар саўға етти.
Иләжда қатнасыўшылар өзлерине қызықтырған сораўларын берип тийисли жуўаплар менен жуўмақланды.

Билим журты баспасөз хызмети