МУҲАМММАД ИБН АҲМАД АЛ-БЕРУНИЙ” ОРТА АРНАЎЛЫ ИСЛАМ БИЛИМ ЖУРТЫ

Билим журтында талабалар заман талапларына сай билим алыўы ушын барлық қолайлықлар жаратылған. Атап айтқанда, ең заманагөй оқыў қураллары менен тәмийинленген оқыў ханалары, мәлимлеме-ресурс орайы, дәретхана, асхана, жатақхана, спорт залы, мини футбол майданшасы, саламатлық ханасы, шаштәрезхана бар.

“Қураны кәрим ҳәм тәжўид” пуллы оқыў курслары

Өзбекстан Республикасы Президентиниң “Диний-ағартыўшылық тараўының жумысын түпкиликли жетилистириў илажлары ҳаққында”ғы 2018-жыл 16-апрелдеги ПП-5416-санлы Пәрманы менен тастыйықланған илажлар Бағдарламасының 6-бәнтинде белгиленген ўазыйпалардың орынланыўын тәмийинлеў мақсетинде Өзбекстан мусылманлары мәкемесиниң 2018-жыл 30-апрелдеги 01А/056-санлы буйрығы тастыйықланған. Усы мүнәсибет пенен Муҳаммад ибн Аҳмад ал-Беруний медресесинде 2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Мәлимлеме ресурс орайы

Муҳаммад ибн Аҳмад ал-Беруний” орта арнаўлы ислам билим журтының мәлимлеме ресурс орайы фондында жәми 17756 китап сақланбақта. Соннан, 1505 улыўма билимлендириў әдебиятлары, 4085 арнаўлы пәнлерден сабақлықлар, 764 социяллық-економикалық әдебиятлар, 7340 илимий-ғалабалық әдебиятлар, 919 електрон әдебиятлары қурайды.

Курслар

2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Талабалар

Бүгинги күнге келип билим журтында 148 талабаға 21 оқытыўшы тәрепинен тәлим-тәрбия берип келинбекте.

Жетискенликлеримиз

Билим журты оқытыўшылары ҳәм талабалары өткерилип келинетуғын түрли таңлаўларда қатнасып жоқары орынларды ийелеп келмекте.

БИЛИМ ЖУРТЫНДА ЖАҢА 2025-2026 ОҚЫЎ ЖЫЛЫ БАСЛАНДЫ

Бүгин 3-сентябрь күни Муҳаммад ибн Аҳмад ал-Беруний орта арнаўлы ислам билим журтында жаңа оқыў жылының ашылыў кешеси болып өтти.
Бүгинги салтанатлы кешеге билим журты директоры басшылығында оқытыўшылар, исши-хызметкерлер ҳәм талаба жаслар қатнасты. Мәмлекетлик гимнимиз жаңлағаннан соң салтанатлы илажды билим журты директоры Ж.Абдиразаков ашып берди ҳәм оқытыўшы ҳәм де талабаларды жақында ғана өткерилген Ғәрезсизлигимиздиң 34-жыллық байрамы ҳәмде басланып атырған жаңа оқыў жылы менен қутлықлап, талабаларға илим-билим алыўда күш-ғайрат ҳәм табыслар тиледи.
Кешеден соң топар басшылары өзлерине бириктирилген курс талабаларын өз топарларына алып кирип, Өзбекстан мусылманлар басқармасы тәрепинен усыныс етилген бағдарлама тийкарында таярланған "Ўатан ушын, миллет ушын, халық ушын!" ураны астында «Ғәрезсизлик сабағын» өткерди.
Сондай-ақ, сабақта соңғы жыллары елимизде әмелге асырылып атырған кең көлемли реформалар, диний-ағартыўшылық тараўда ерисилген нәтийжелер, унамлы өзгерислер айрықша атап өтилди.