МУҲАМММАД ИБН АҲМАД АЛ-БЕРУНИЙ” ОРТА АРНАЎЛЫ ИСЛАМ БИЛИМ ЖУРТЫ

Билим журтында талабалар заман талапларына сай билим алыўы ушын барлық қолайлықлар жаратылған. Атап айтқанда, ең заманагөй оқыў қураллары менен тәмийинленген оқыў ханалары, мәлимлеме-ресурс орайы, дәретхана, асхана, жатақхана, спорт залы, мини футбол майданшасы, саламатлық ханасы, шаштәрезхана бар.

“Қураны кәрим ҳәм тәжўид” пуллы оқыў курслары

Өзбекстан Республикасы Президентиниң “Диний-ағартыўшылық тараўының жумысын түпкиликли жетилистириў илажлары ҳаққында”ғы 2018-жыл 16-апрелдеги ПП-5416-санлы Пәрманы менен тастыйықланған илажлар Бағдарламасының 6-бәнтинде белгиленген ўазыйпалардың орынланыўын тәмийинлеў мақсетинде Өзбекстан мусылманлары мәкемесиниң 2018-жыл 30-апрелдеги 01А/056-санлы буйрығы тастыйықланған. Усы мүнәсибет пенен Муҳаммад ибн Аҳмад ал-Беруний медресесинде 2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Мәлимлеме ресурс орайы

Муҳаммад ибн Аҳмад ал-Беруний” орта арнаўлы ислам билим журтының мәлимлеме ресурс орайы фондында жәми 17756 китап сақланбақта. Соннан, 1505 улыўма билимлендириў әдебиятлары, 4085 арнаўлы пәнлерден сабақлықлар, 764 социяллық-економикалық әдебиятлар, 7340 илимий-ғалабалық әдебиятлар, 919 електрон әдебиятлары қурайды.

Курслар

2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Талабалар

Бүгинги күнге келип билим журтында 148 талабаға 21 оқытыўшы тәрепинен тәлим-тәрбия берип келинбекте.

Жетискенликлеримиз

Билим журты оқытыўшылары ҳәм талабалары өткерилип келинетуғын түрли таңлаўларда қатнасып жоқары орынларды ийелеп келмекте.

БИЛИМ ЖУРТЫНДА МӘМЛЕКЕТЛИК АТТЕСТАЦИЯ ИМТИҲАНЛАРЫ БОЛЫП ӨТТИ

БИЛИМ ЖУРТЫНДА МӘМЛЕКЕТЛИК АТТЕСТАЦИЯ ИМТИҲАНЛАРЫ БОЛЫП ӨТТИ

Өзбекстан мусылманлары басқармасының 2021-жыл 24-май сәнесиндеги 01А/66-санлы “Билим журтлары питкериўши курс талабаларының Жуўмақлаўшы аттестациясы Нызамын тастыйықлаў ҳаққында” ғы буйрығына тийкар, 2025-жыл 19-июнь сәнесинде Муҳаммад ибн Аҳмад ал Беруний орта арнаўлы ислам билим журты 4-курс талаба жасларының Улыўмалық пәнлерден (Өзбекстан тарийхы, Миллий идея, Өзбекстанды раўажландырыў стратегиясы) Мәмлекетлик аттестация имтиҳанлары алынды.
Бул өткерилген имтиҳан Питкериўшилердиң билим, қәнигелик көнликпелериниң орта арнаўлы ислам билим журты қәниге талапларына муўапық келиўин комплекс баҳалаў, аттестация жуўмағы бойынша оларға академик дәреже бериў, аттестация имтиҳанларының әдалатлы өтиўин тәмийинлеў мақсетинде билим журты ишки буйрығы тийкарында дүзилген аттестация комиссиясы ағзалары қатнасында алынды.
Аттестация имтиҳан жумысын билим журты оқыў ислери бойынша директор орынбасары С.Кудайбергенов кирис сөз бенен ашты ҳәм басқарып барды. Ол өз сөзинде мәмлекетлик аттестация комиссиясы қурамы менен таныстырып өтти. Имтихан баырысы, жазылыў тәртиби, Мәмлекетлик аттестация Нызам талабларын түсиндирип ѳтти.
Улыўмалық (Өзбекстан тарийхы, Миллий идея, Өзбекстанды раўажландырыў стратегиясы) пәни бойынша дүзилген Мәмлекетлик аттестация имтиҳаны комиссия қурамы төмендегише:
Комиссия баслығы Т.Кулниязов – Бердақ атындағы Қарақалпақ мәмлекетлик университети Шет тиллери факультети Жаслар менен ислесиў бойынша декан орынбасары, Педагогика илимлери бойынша философия докторы
Комиссия баслығы орынбасары С.Сапаров – Әжинияз атындағы Нөкис мәмлекетлик педагогикалық институты, Шет тили ҳәм әдебияты кафедрасы үлкен оқытыўшысы. Филология илимлери бойынша философия докторы.
Комиссия ағзалары: Н.Жалғасов – Әжинияз атындағы Нөкис мәмлекетлик педагогикалық институты, Шет тили ҳәм әдебияты кафедрасы доценти, Филология илимлери бойынша философия докторы.
К.Ергалиев – Қарақалпақстан Республикасы Жоқары билимлендириў, илим ҳәм инновациялар министри орынбасары ўазыйпасын атқарыўшысы.
Р. Матназаров – Бердақ атындағы Қарақалпақ мәмлекетлик университети стажёр оқытыўшысы,
А.Ережепов – билим журты Ѳзбекстан тарийхы пәни оқытыўшысы ҳәм Т.Упаев – комиссия қурамы хаткери, имтиҳан алыўшы Ҳуқықтаныў пәни оқытыўшысы.
Имтиҳан белгиленген критерияларға сай тәризде болып, кеўилли түрде жуўмақланды.

    Билим журты баспасөз хызмети