МУҲАМММАД ИБН АҲМАД АЛ-БЕРУНИЙ” ОРТА АРНАЎЛЫ ИСЛАМ БИЛИМ ЖУРТЫ

Билим журтында талабалар заман талапларына сай билим алыўы ушын барлық қолайлықлар жаратылған. Атап айтқанда, ең заманагөй оқыў қураллары менен тәмийинленген оқыў ханалары, мәлимлеме-ресурс орайы, дәретхана, асхана, жатақхана, спорт залы, мини футбол майданшасы, саламатлық ханасы, шаштәрезхана бар.

“Қураны кәрим ҳәм тәжўид” пуллы оқыў курслары

Өзбекстан Республикасы Президентиниң “Диний-ағартыўшылық тараўының жумысын түпкиликли жетилистириў илажлары ҳаққында”ғы 2018-жыл 16-апрелдеги ПП-5416-санлы Пәрманы менен тастыйықланған илажлар Бағдарламасының 6-бәнтинде белгиленген ўазыйпалардың орынланыўын тәмийинлеў мақсетинде Өзбекстан мусылманлары мәкемесиниң 2018-жыл 30-апрелдеги 01А/056-санлы буйрығы тастыйықланған. Усы мүнәсибет пенен Муҳаммад ибн Аҳмад ал-Беруний медресесинде 2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Мәлимлеме ресурс орайы

Муҳаммад ибн Аҳмад ал-Беруний” орта арнаўлы ислам билим журтының мәлимлеме ресурс орайы фондында жәми 17756 китап сақланбақта. Соннан, 1505 улыўма билимлендириў әдебиятлары, 4085 арнаўлы пәнлерден сабақлықлар, 764 социяллық-економикалық әдебиятлар, 7340 илимий-ғалабалық әдебиятлар, 919 електрон әдебиятлары қурайды.

Курслар

2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Талабалар

Бүгинги күнге келип билим журтында 148 талабаға 21 оқытыўшы тәрепинен тәлим-тәрбия берип келинбекте.

Жетискенликлеримиз

Билим журты оқытыўшылары ҳәм талабалары өткерилип келинетуғын түрли таңлаўларда қатнасып жоқары орынларды ийелеп келмекте.

Билим журтында семинар өткерилди

Билим журтында семинар өткерилди

2025-жыл 6-январь күни Муҳаммад ибн Аҳмад ал-Беруний орта арнаӯлы ислам билим журтында қысқа мүддетли қәнигелигин арттырыў семинары басланды.
     Бүгинги семинар лекторы Бердақ атындағы қарақалпақ мәмлекетлик университети жанындағы педагог-кадрларды қайта таярлаў ҳәм олардың қәнигелигин арттырыў аймақлық орайы профессор-оқытыўшысы Өтениязова Палзада болды.
     Семинарға билим журтының директоры, директор орынбасары, бөлим баслықлары ҳәм педагог оқытыўшылар қатнасты.
    Семинарда билим журтының оқытыўшылары сабақ өтиў барысында билим журтының оқыў-методикалық, руўхый-ағартыўшылық дәрежесин асырыў, заманагөй педагогикалық усылларды ең жайдырыў, билим бериўдиң сыпатын жақсылаўға хызмет қылыўы, оқыў семинарларды арнаўлы оқыў реже ҳәм сабақ кестеси тийкарында заманагөй ахборот технологиялар ҳам интерактив усыллардан пайдаланған ҳалда өтиў кереклиги айтып өтилди.

     Билим журты баспасөз хызмети