МУҲАМММАД ИБН АҲМАД АЛ-БЕРУНИЙ” ОРТА АРНАЎЛЫ ИСЛАМ БИЛИМ ЖУРТЫ

Билим журтында талабалар заман талапларына сай билим алыўы ушын барлық қолайлықлар жаратылған. Атап айтқанда, ең заманагөй оқыў қураллары менен тәмийинленген оқыў ханалары, мәлимлеме-ресурс орайы, дәретхана, асхана, жатақхана, спорт залы, мини футбол майданшасы, саламатлық ханасы, шаштәрезхана бар.

“Қураны кәрим ҳәм тәжўид” пуллы оқыў курслары

Өзбекстан Республикасы Президентиниң “Диний-ағартыўшылық тараўының жумысын түпкиликли жетилистириў илажлары ҳаққында”ғы 2018-жыл 16-апрелдеги ПП-5416-санлы Пәрманы менен тастыйықланған илажлар Бағдарламасының 6-бәнтинде белгиленген ўазыйпалардың орынланыўын тәмийинлеў мақсетинде Өзбекстан мусылманлары мәкемесиниң 2018-жыл 30-апрелдеги 01А/056-санлы буйрығы тастыйықланған. Усы мүнәсибет пенен Муҳаммад ибн Аҳмад ал-Беруний медресесинде 2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Мәлимлеме ресурс орайы

Муҳаммад ибн Аҳмад ал-Беруний” орта арнаўлы ислам билим журтының мәлимлеме ресурс орайы фондында жәми 17756 китап сақланбақта. Соннан, 1505 улыўма билимлендириў әдебиятлары, 4085 арнаўлы пәнлерден сабақлықлар, 764 социяллық-економикалық әдебиятлар, 7340 илимий-ғалабалық әдебиятлар, 919 електрон әдебиятлары қурайды.

Курслар

2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Талабалар

Бүгинги күнге келип билим журтында 148 талабаға 21 оқытыўшы тәрепинен тәлим-тәрбия берип келинбекте.

Жетискенликлеримиз

Билим журты оқытыўшылары ҳәм талабалары өткерилип келинетуғын түрли таңлаўларда қатнасып жоқары орынларды ийелеп келмекте.

Ысырап – жәмийетимизге зыян келтириўши иллет

Бенделерин ысыраптан қайтарған Аллаҳ тааланың өзине шексиз мақтаўлар ҳәм шүкирлер болсын!

Үмметлерине ысыраптың не екенин толық түсиндирип, оған жол қоймаўды қалай әмелге асырылыўын көрсетип берген сүйикли Пайғамбарымыз Муҳаммад саллаллаҳу алайҳи ўа салламға салаўат ҳәм сәлемлеримиз болсын!

Әлбетте мал-мүлк Жаратқанның бенделерине берген уллы нематларынан. Сондай-ақ мал-мүлк бул дүнья өмириниң зийнети де. Аллаҳ таала Қураны кәриймде: «Мал-мүлик, бала-шаға – дүнья өмириниң зийнети» деген.

Усындай уллы неъматты зая қылыўдың түрлеринен бири бул – ысырап есапланады. Аллаҳ таала бундай ислерден бенделерин қайтарып: «Жеп-ишиң, бирақ ысырап қылмаң. Себеби, Ол ысырап қылыўшыларды жақсы көрмейди». (Аъроф сүреси, 31-аят);

Аяттың мәнис-мазмунына итибар беретуғын болсақ, Аллаҳ таала бенделерин жеп-ишиўде ысыраптан қайтарып атыр ма, басқа ҳәр бир исте ысырап қылмаў керек болады. Көпшилигимиз жеп-ишип, тойғаннан кейин аўысып қалған нәрсени таслап жибериўди ысырап, деп түсинемиз. Негизи, бундай емес. Шәрият бойынша, керегинен артық жеў де ысырап болады. Расулы акрам саллаллаҳу алайҳи ўа саллам жеўде, ишиўде инсан қарнының үштен бири азық ушын, үштен бири суйықлық, суў ушын ҳәм үштен бири ҳаўа ушын болыўы кереклигин буйырған. Буннан артығы ысырап болады. Бул исти қылғанлар Аллаҳтың муҳаббатынан жуда болады, себеби Аллаҳ таала жақсы көрмеген исти қылған болады.

Жоқарыда өткен қатарларда ысыраптың ҳақыйқатын ҳәм ақыбетин қолдан келгенше түсиник берип өттик. Ысырап жеке инсанлар ушын да, шаңарақлар ушын да жәмийетлер ушын да оға да зыянлы нәрселер екенин билип алдық. Енди ысырапкершиликке қарсы биргеликте гүресиўимиз лазым болады.

Аллаҳ таала ҳәммемизди ысыраптың ҳақыйқатын ҳәм ақыбетин аңлап жететуғын ҳәм оған қарсы гүрес алып барып, Өзиниң разылығын табатуғын бенделерден болыўымызды несип етсин!

Муҳаммад ибн Аҳмад ал-Беруний орта арнаўлы ислам билим журты оқытыўшысы Ж.Искендеров