МУҲАМММАД ИБН АҲМАД АЛ-БЕРУНИЙ” ОРТА АРНАЎЛЫ ИСЛАМ БИЛИМ ЖУРТЫ

Билим журтында талабалар заман талапларына сай билим алыўы ушын барлық қолайлықлар жаратылған. Атап айтқанда, ең заманагөй оқыў қураллары менен тәмийинленген оқыў ханалары, мәлимлеме-ресурс орайы, дәретхана, асхана, жатақхана, спорт залы, мини футбол майданшасы, саламатлық ханасы, шаштәрезхана бар.

“Қураны кәрим ҳәм тәжўид” пуллы оқыў курслары

Өзбекстан Республикасы Президентиниң “Диний-ағартыўшылық тараўының жумысын түпкиликли жетилистириў илажлары ҳаққында”ғы 2018-жыл 16-апрелдеги ПП-5416-санлы Пәрманы менен тастыйықланған илажлар Бағдарламасының 6-бәнтинде белгиленген ўазыйпалардың орынланыўын тәмийинлеў мақсетинде Өзбекстан мусылманлары мәкемесиниң 2018-жыл 30-апрелдеги 01А/056-санлы буйрығы тастыйықланған. Усы мүнәсибет пенен Муҳаммад ибн Аҳмад ал-Беруний медресесинде 2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Мәлимлеме ресурс орайы

Муҳаммад ибн Аҳмад ал-Беруний” орта арнаўлы ислам билим журтының мәлимлеме ресурс орайы фондында жәми 17756 китап сақланбақта. Соннан, 1505 улыўма билимлендириў әдебиятлары, 4085 арнаўлы пәнлерден сабақлықлар, 764 социяллық-економикалық әдебиятлар, 7340 илимий-ғалабалық әдебиятлар, 919 електрон әдебиятлары қурайды.

Курслар

2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Талабалар

Бүгинги күнге келип билим журтында 148 талабаға 21 оқытыўшы тәрепинен тәлим-тәрбия берип келинбекте.

Жетискенликлеримиз

Билим журты оқытыўшылары ҳәм талабалары өткерилип келинетуғын түрли таңлаўларда қатнасып жоқары орынларды ийелеп келмекте.

Жәмийетлик орынларда әдеп-икрамлылық тәрбиясына әмел етиӯ атамасында жыйналыс өткерилди

Жәмийетлик орынларда әдеп-икрамлылық тәрбиясына әмел етиӯ атамасында жыйналыс өткерилди

Муҳаммад Ибн Аҳмад ал-Беруний орта арнаўлы ислам билим журтында тәрбия, әдеп-икрамлылық инсанныӊ жақсы пәзийлетлериниӊ бири екенлиги мәселеси бойынша жыйналыс өткерилди. Бул жыйналысқа билим журтыныӊ оқытыӯшы хызметкерлери, курс басшылары ҳәм талабалар қатнасты. Жыйналысты билим журт директоры Ж.Абдиразаков баскарып барды. Бул әдеплилик – инсан ҳаққында жағымлы тәсирлер оятатуғын, лекин жәмийет ҳәм инсаният өмиринде сол дәрежеде зәрүр әҳмийетке ийе миллий үрип-әдетлерге тийкарланған сулыӯ ис-ҳәрекетлерди өз ишине алады. Бул дүньяға келген инсан бир-бири менен мәмиле қылмастан илажы жоқ. Адамлардыӊ бир-бири менен қылатуғын мәмилеси мийманға қылатуғын мәмиледей жақсы мүлайым болыӯы менен бирге әдеп-икрамлық қәсийетлерине ийе болыӯы шәрт. Тийкарынан ҳәр бир жердиӊ тәртип қағыйдасына бойсыныӯ, жәмийетлик орынларда өзин тутыӯ әдеп-икрамлылық пәзийлетлерине әмел етиӯ тәртиби ҳаққында айтылды. Бүгинги күнде жәмийетимиз раӯажланып баратырған бир дәӯирде әсиресе жасларымыз әдеп-икрамлылыққа, тәрбияға, жәмийетлик орынларда өзин тутыӯ мәдениятына әмел етиӯлери тийис. Әдеп-икрамлылық тәрбиясы бойынша курс басшылары талабаларға сабақтан тысқары ӯақытлары бул тәрбия әдеби бойынша өз алдына сәӯбетлесиӯлер, түсиник жумыслары ҳәм семинар тренинглер шөлкемлестирилип барылыӯы кереклигин айрықша атап өтти. Бүгинги бул жыйналыстан талабаларымыз өзлерине унамлы шешим қабыллап әдеп-икрамлылық тәрбияларына әмел етип билим журт абыройын көтерип өзлериниӊ жақсы әдеплери менен басқа жасларға өрнек болады деп ойлаймыз.