МУҲАМММАД ИБН АҲМАД АЛ-БЕРУНИЙ” ОРТА АРНАЎЛЫ ИСЛАМ БИЛИМ ЖУРТЫ

Билим журтында талабалар заман талапларына сай билим алыўы ушын барлық қолайлықлар жаратылған. Атап айтқанда, ең заманагөй оқыў қураллары менен тәмийинленген оқыў ханалары, мәлимлеме-ресурс орайы, дәретхана, асхана, жатақхана, спорт залы, мини футбол майданшасы, саламатлық ханасы, шаштәрезхана бар.

“Қураны кәрим ҳәм тәжўид” пуллы оқыў курслары

Өзбекстан Республикасы Президентиниң “Диний-ағартыўшылық тараўының жумысын түпкиликли жетилистириў илажлары ҳаққында”ғы 2018-жыл 16-апрелдеги ПП-5416-санлы Пәрманы менен тастыйықланған илажлар Бағдарламасының 6-бәнтинде белгиленген ўазыйпалардың орынланыўын тәмийинлеў мақсетинде Өзбекстан мусылманлары мәкемесиниң 2018-жыл 30-апрелдеги 01А/056-санлы буйрығы тастыйықланған. Усы мүнәсибет пенен Муҳаммад ибн Аҳмад ал-Беруний медресесинде 2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Мәлимлеме ресурс орайы

Муҳаммад ибн Аҳмад ал-Беруний” орта арнаўлы ислам билим журтының мәлимлеме ресурс орайы фондында жәми 17756 китап сақланбақта. Соннан, 1505 улыўма билимлендириў әдебиятлары, 4085 арнаўлы пәнлерден сабақлықлар, 764 социяллық-економикалық әдебиятлар, 7340 илимий-ғалабалық әдебиятлар, 919 електрон әдебиятлары қурайды.

Курслар

2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Талабалар

Бүгинги күнге келип билим журтында 148 талабаға 21 оқытыўшы тәрепинен тәлим-тәрбия берип келинбекте.

Жетискенликлеримиз

Билим журты оқытыўшылары ҳәм талабалары өткерилип келинетуғын түрли таңлаўларда қатнасып жоқары орынларды ийелеп келмекте.

«Биз диний экстремиз ҳәм терроризмге қарсымыз» сүрени астында ис-илаж өткерилди.

«Биз диний экстремиз ҳәм терроризмге қарсымыз» сүрени астында ис-илаж өткерилди.

2024-жыл 29-октябрь күни «Муҳаммад ибн Аҳмад ал-Беруний» орта арнаўлы ислам билим журты мәжлислер залында Өзбекстан Республикасы Дин ислери бойынша комитети Қарақалпақстан Республикасы аймақлық басқармасы бас қанигеси Х.Незаметов ҳәм Диний экстремизм ҳәм Қарақалпақстан Республикасы Ишки ислер министрлигиниӊ терроризмге қарсы гүресиӯ басқармасы бөлим баслығы Н.Тажимуратовлар билим журты талабалары менен ушырасыӯ өткерди.
     Илажға келген қəнигелер социал-руўхый саламат орталықты жəнеде жақсылаӯ, жасларды түрли жат идеялар тəсиринен асыраў, пуқаралар тəрепинен нызамға қарсы диний билим бериў жағдайлары ҳəм оның ақыбетлери, усы жағдай туӯралы нызамшылықта белгиленген нормалар ҳаққында мағлыўмат берди. Соның менен бирге ҳəзирги күнде социал тармақлардан пайдаланғанда абайлы болыўды, социал тармақ мəдениятына əмел қылыўды, қадаған етилген ҳəм усыныс етилмеген сайтлардан узақ болыўды айтып өтти.
     Соның менен бирге, билим журтында билим алып атырған талабаларға əдеп-икрамлылық бойынша өрнек болыӯларын ескертти. Илаж соңында талабалар тəрепинен берилген сораў, усыныс ҳəм ой-пикирлерге толық жуўап берилди.

Билим журты баспасөз хызмети