МУҲАМММАД ИБН АҲМАД АЛ-БЕРУНИЙ” ОРТА АРНАЎЛЫ ИСЛАМ БИЛИМ ЖУРТЫ

Билим журтында талабалар заман талапларына сай билим алыўы ушын барлық қолайлықлар жаратылған. Атап айтқанда, ең заманагөй оқыў қураллары менен тәмийинленген оқыў ханалары, мәлимлеме-ресурс орайы, дәретхана, асхана, жатақхана, спорт залы, мини футбол майданшасы, саламатлық ханасы, шаштәрезхана бар.

“Қураны кәрим ҳәм тәжўид” пуллы оқыў курслары

Өзбекстан Республикасы Президентиниң “Диний-ағартыўшылық тараўының жумысын түпкиликли жетилистириў илажлары ҳаққында”ғы 2018-жыл 16-апрелдеги ПП-5416-санлы Пәрманы менен тастыйықланған илажлар Бағдарламасының 6-бәнтинде белгиленген ўазыйпалардың орынланыўын тәмийинлеў мақсетинде Өзбекстан мусылманлары мәкемесиниң 2018-жыл 30-апрелдеги 01А/056-санлы буйрығы тастыйықланған. Усы мүнәсибет пенен Муҳаммад ибн Аҳмад ал-Беруний медресесинде 2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Мәлимлеме ресурс орайы

Муҳаммад ибн Аҳмад ал-Беруний” орта арнаўлы ислам билим журтының мәлимлеме ресурс орайы фондында жәми 17756 китап сақланбақта. Соннан, 1505 улыўма билимлендириў әдебиятлары, 4085 арнаўлы пәнлерден сабақлықлар, 764 социяллық-економикалық әдебиятлар, 7340 илимий-ғалабалық әдебиятлар, 919 електрон әдебиятлары қурайды.

Курслар

2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Талабалар

Бүгинги күнге келип билим журтында 148 талабаға 21 оқытыўшы тәрепинен тәлим-тәрбия берип келинбекте.

Жетискенликлеримиз

Билим журты оқытыўшылары ҳәм талабалары өткерилип келинетуғын түрли таңлаўларда қатнасып жоқары орынларды ийелеп келмекте.

Руўхыйлық жумыслары шөлкемлестирилди.

Руўхыйлық жумыслары шөлкемлестирилди.

  05-октябрь күни Ѳзбекстан халық аралық ислам академиясы жанындағы тәжирийбе асырыў орайының Қарақалпақстан Республикасы аймақлық филиалында илаж өткерилди.  
    Илажға Ѳзбекстан халық аралық ислам академиясы жанындағы тәжирийбе асырыў орайының Қарақалпақстан Республикасы аймақлық филиалы оқыў бөлими баслығы Ж.Қалмуратов, Билим журты Жаслар менен ислесиў, руўхыйлық ҳәм ағартыўшылық бөлими хызметкерлери, топар басшылары ҳәм талаба жаслар қатнасты. Илаж барысында Елимизде әмелге асырылған жақсы қайырлы жумыслар ҳәм соңғы жылларда бой тиклеген имаратлар ҳаққында сәўбетлесилди.
     Соң Ѳзбекстан халық аралық ислам академиясы жанындағы тәжирийбе асырыў орайының Қарақалпақстан Республикасы аймақлық филиалына саяхат шөлкемлестирилди.