МУҲАМММАД ИБН АҲМАД АЛ-БЕРУНИЙ” ОРТА АРНАЎЛЫ ИСЛАМ БИЛИМ ЖУРТЫ

Билим журтында талабалар заман талапларына сай билим алыўы ушын барлық қолайлықлар жаратылған. Атап айтқанда, ең заманагөй оқыў қураллары менен тәмийинленген оқыў ханалары, мәлимлеме-ресурс орайы, дәретхана, асхана, жатақхана, спорт залы, мини футбол майданшасы, саламатлық ханасы, шаштәрезхана бар.

“Қураны кәрим ҳәм тәжўид” пуллы оқыў курслары

Өзбекстан Республикасы Президентиниң “Диний-ағартыўшылық тараўының жумысын түпкиликли жетилистириў илажлары ҳаққында”ғы 2018-жыл 16-апрелдеги ПП-5416-санлы Пәрманы менен тастыйықланған илажлар Бағдарламасының 6-бәнтинде белгиленген ўазыйпалардың орынланыўын тәмийинлеў мақсетинде Өзбекстан мусылманлары мәкемесиниң 2018-жыл 30-апрелдеги 01А/056-санлы буйрығы тастыйықланған. Усы мүнәсибет пенен Муҳаммад ибн Аҳмад ал-Беруний медресесинде 2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Мәлимлеме ресурс орайы

Муҳаммад ибн Аҳмад ал-Беруний” орта арнаўлы ислам билим журтының мәлимлеме ресурс орайы фондында жәми 17756 китап сақланбақта. Соннан, 1505 улыўма билимлендириў әдебиятлары, 4085 арнаўлы пәнлерден сабақлықлар, 764 социяллық-економикалық әдебиятлар, 7340 илимий-ғалабалық әдебиятлар, 919 електрон әдебиятлары қурайды.

Курслар

2018-жыл 10-июннан баслап “Қураны кәрим ҳәм тәжўид” үйретиў бойынша пуллы оқыў курслары шөлкемлестирилди.

Талабалар

Бүгинги күнге келип билим журтында 148 талабаға 21 оқытыўшы тәрепинен тәлим-тәрбия берип келинбекте.

Жетискенликлеримиз

Билим журты оқытыўшылары ҳәм талабалары өткерилип келинетуғын түрли таңлаўларда қатнасып жоқары орынларды ийелеп келмекте.

Билим журтында жаңа оқыӯ жылы басланды

Билим журтында жаңа оқыӯ жылы басланды


2024-жылы 9-сентябрь күни Муҳаммад ибн Аҳмад ал-Беруний орта арнаўлы ислам билим журтында жаңа оқыў жылының ашылыў кешеси болып өтти.
Кешемизде Мәмлекетлик гимнлеримиз жаңлағаннан соң билим журты директоры Жалалатдин Абдиразаков ашып берди. Кешеге Қарақалпақстан мусылманлары қазыяты қазысы Бахрамматдин Разов, Әжинияз атындағы Нөкис мәмлекетлик педагогика институты оқытыўшысы, Филология илимлериниң профессоры Қабыл Мамбетов, билим журты оқытыўшылары, исши-хызметкерлер ҳәм талабалары менен диний тараў ўәкиллери қатнасты. Жаңа оқыў жылының ашылыў кешесине келген мийманлар қатнасыӯшыларды Ғәрезсизлигимиздиң 33 жыллық байрамы қалаберсе басланып атырған жаңа оқыў жылы менен қутлықлап, талабаларға алдағы оқыӯларында күш-ғайрат ҳәм табыслар тиледи.

Ашылыў кешесинен соң билим журты мәжилислер залында «Ғәрезсизлик - уллы неъмат» атамасында илаж өткерилди. Кеше мийманлары тәрепинен Ғәрезсизлик шарапаты менен диний тараўларға жаратылған имканиятлар ҳәм буның арқасында көплеген унамлы жетискенликлерге ерискенликлеримизди қатнасыӯшыларға айтып өтилди

Илаждан соң талабалар өз топарлары менен белгиленген аудиторияларына кирип, Ҳәр бир топар бүгинги 1-жуплықтағы сабағын Өзбекстан мусылманлар басқармасы тәрепинен усыныс етилген бағдарлама тийкарында таярланған «Ғәрезсизлик сабағы» менен баслады.
Сабақта билим журтының барлық басқышындағы талабаларға алдыннан таярланған слайдлар ҳәм видеороликлер қойып берилип, оннан алынған жуўмақлар оқытыӯшысы менен биргеликте додаланды.
Сондай-ақ, сабақ барысында оқытыўшылар тәрепинен ақырғы жыллары елимизде әмелге асырылып атырған кең көлемли реформалар, диний-ағартыўшылық тараўдаларға қаратылған имканиятлар тийкарында ерисилген нәтийжелер ҳәм өткен жылғы билим журты тәрепинен ерисилген жетискенликлеримиз айтылып унамлы өзгерислер айрықша атап өтилди.

Билим журты баспасөз хызмети