
Búgin 25-iyun sánesinde Muhammad ibn Ahmad al-Beruniy orta arnawlı islam bilim jurtında bilim alǵan, óz kásibiniń jetik qánigesi bolıw aldında turǵan pitkeriwshi kurs talabaları ushın náwbettegi Qánigeligi (Arab tili, Fiqh, Aqoid) pánleri boyınsha mámleketlik attestaciya imtixanları bolıp ótti.
Bul, ótkerilgen imtixanlar pitkeriwshilerdiń bilimin, qánigelik kónlikpeleri orta arnawlı islam bilim jurtı qánige talaplarına muwapıq keliwin kompleks bahalaw, attestaciya juwmaǵı boyınsha olarǵa akademik dárejesin beriw hámde attestaciya imtixanlarınıń ádalatlı ótiwin támiyinlew maqsetinde, islam bilim jurtınıń ishki buyrıǵı tiykarında dúzilgen attestaciya komissiyası aǵzaları qatnasında ótkerildi.
Attestaciya imtixan jumısların bilim jurtı direktorı J.Abdirazakov kiris sóz benen ashtı hám basqarıp bardı.
Qánigelik (Arab tili, Fiqh, Aqoid) pánleri boyınsha dúzilgen Mámleketlik attestaciya imtixanlarınıń komissiya quramı aǵzaları tómendegishe:
C.Kudaybergenov “Muhammad ibn Ahmad al Beruniy” orta arnawlı islam bilim jurtı oqıw isleri boyınsha direktor orınbasarı;
A.Idrisov “Muhammad ibn Ahmad al Beruniy” orta arnawlı islam bilim jurtı qánigelik páni oqıtıwshısı;
A.Yakupov “Muhammad ibn Ahmad al Beruniy” orta arnawlı islam bilim jurtı qánigelik páni oqıtıwshısı;
E.Nizamatdinov “Muhammad ibn Ahmad al Beruniy” orta arnawlı islam bilim jurtı “Arab tili” páni oqıtıwshısı.
Imtixan belgilengen tártip boyınsha kriteriyalarǵa say tárizde bolıp ótti.
__