MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

Jámiyetlik orınlarda ádep-ikramlılıq tárbiyasına ámel etiӯ atamasında jıynalıs ótkerildi

Jámiyetlik orınlarda ádep-ikramlılıq tárbiyasına ámel etiӯ atamasında jıynalıs ótkerildi

Muhammad Ibn Ahmad al-Beruniy orta arnawlı islam bilim jurtında tárbiya, ádep-ikramlılıq insannıӊ jaqsı páziyletleriniӊ biri ekenligi máselesi boyınsha jıynalıs ótkerildi. Bul jıynalısqa bilim jurtınıӊ oqıtıӯshı xızmetkerleri, kurs basshıları hám talabalar qatnastı. Jıynalıstı bilim jurt direktorı J.Abdirazakov baskarıp bardı. Bul ádeplilik – insan haqqında jaǵımlı tásirler oyatatuǵın, lekin jámiyet hám insaniyat ómirinde sol dárejede zárúr áhmiyetke iye milliy úrip-ádetlerge tiykarlanǵan sulıӯ is-háreketlerdi óz ishine aladı. Bul dúnyaǵa kelgen insan bir-biri menen mámile qılmastan ilajı joq. Adamlardıӊ bir-biri menen qılatuǵın mámilesi miymanǵa qılatuǵın mámiledey jaqsı múlayım bolıӯı menen birge ádep-ikramlıq qásiyetlerine iye bolıӯı shárt. Tiykarınan hár bir jerdiӊ tártip qaǵıydasına boysınıӯ, jámiyetlik orınlarda ózin tutıӯ ádep-ikramlılıq páziyletlerine ámel etiӯ tártibi haqqında aytıldı. Búgingi kúnde jámiyetimiz raӯajlanıp baratırǵan bir dáӯirde ásirese jaslarımız ádep-ikramlılıqqa, tárbiyaǵa, jámiyetlik orınlarda ózin tutıӯ mádeniyatına ámel etiӯleri tiyis. Ádep-ikramlılıq tárbiyası boyınsha kurs basshıları talabalarǵa sabaqtan tısqarı ӯaqıtları bul tárbiya ádebi boyınsha óz aldına sáӯbetlesiӯler, túsinik jumısları hám seminar treningler shólkemlestirilip barılıӯı kerekligin ayrıqsha atap ótti. Búgingi bul jıynalıstan talabalarımız ózlerine unamlı sheshim qabıllap ádep-ikramlılıq tárbiyalarına ámel etip bilim jurt abıroyın kóterip ózleriniӊ jaqsı ádepleri menen basqa jaslarǵa órnek boladı dep oylaymız.