MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

Áskeriy okrug tariyxı menen tanısıw ótkerildi.

Áskeriy okrug tariyxı menen tanısıw ótkerildi.

Usı jıldıń 11-noyabr kuni bilim jurtı talabaları qalamızda jaylasqan arqa batıs áskeriy okruginde boldı. Bul jerdi okrug xızmetkeri  Sh.Osorov talabalarǵa okrugtiń ishki tártip qaǵıydaları, alıp barılatuǵın jumısları haqqında maǵlıwmat berdi soń okrug ishki kórinisleri tariyxıy zatlar menen tanıstırıp túsinik berip ótti. Áskeriy okrug Ózbekstan Respublikası Ministrler Kabinetiniń 1998-jıl 13-oktyabr kúngi qararına tiykarlanıp Qaraqalpaqstan Respublikası Nókis qalasında Arqa-batıs áskeriy okrugi shólkemlestirilgenin aytıp ótti.
Talabalar bul jerde áskeriy tarawdıń alıp barılatuǵın jumısları tariyxı menen tanısıp ózleriniń qızıqtırǵan sorawları boyınsha kerekli maǵlıwmatlar alıp qayttı
Atap ѳtiw kerek, áskeriy okrugge talabalardıń barıp tanısıwın bilim jurtı qánigeleri A.Assatillaev hám I.Sabırbaevlar basshılıq etti.

 Bilim jurtı baspasóz xızmeti