
Elimizde ata-babalarımız miyrasın tereń úyreniӯ, keń jámiyetshilikke jerkiziӯ boyınsha bir neshshe ámeliy jumıslar alıp barılmaqta.
Usı qatarda Ózbekstan Respublikası Prezidentiniń 2024-jıl 15-avgusttaǵı «Imam Termiziy tuӯılǵanınıń 1200 jıllıǵın keń túrde belgileӯ xaqqında»ǵı PQ-292-sanlı qararı tastıyıqlanǵan. Bunda Imam Termiziydiń ilimiy miyrasın xalqımızǵa jetkiziӯ tiykarǵı maqset esaplanadı.
Usı qarar tiykarında 15-oktyabr kúni Muhammad ibn Ahmad al-Beruniy orta arnaӯlı islam bilim jurtında «Shamaili Muhammadiya» shıǵarmasın úyrenemiz uranı astında is-ilaj ótkerildi.
Ilajda Nókis qalası «Erejep Biy» jame meshiti imam-xatibi A.Xojasov, bilim jurtı oqıtıshısı A.Yakubovlar óz bayanatı menen qatnastı.
Ilaj daӯamında miymanlar tárepinen Imam Termiziydiń ilimiy xızmeti, ómir jolı, onıń «Shamaili Muhammadiya» shıǵarması tiykarında bilim jurtı talabalarına kerekli maǵlıӯmatlar berildi.
Ilaj sońında talabalar ózlerine qızıqtırǵan soraӯlarǵa unamlı juӯaplar alıp mazmunlı túrde ótkerildi.
Bilim jurtı baspasóz xızmeti