
Búgin 30-sentyabr kúni Muhammad ibn Ahmad al-Beruniy orta arnawlı islam bilim jurtında «1-oktyabr – oqıtıwshı hám tárbiyashılar kúni» múnásibeti menen bayram ilajı bolıp ótti.
Ilajda bilim jurtı oqıtıwshı-ustazları hám de talaba jasları qatnastı.
Ilajdı bilim jurtı direktorı Jalalatdin Abdirazakov ashıp berdi hám jıynalǵanlardı «1-oktyabr – oqıtıwshı hám tárbiyashılar kúni» bayramı menen qutlıqladı.
Keshede Ѳzbekstan musılmanları basqarması baslıǵı, muftiy Shayx Nuriddin Xoliqnazar háziretiniń oqıtıwshı hám tárbiyashılar kúni múnásebetine arnalǵan bayram qutlıqlawı sózin bilim jurtı direktorı J.Abdirazakov oqıp esittirdi.
Ilaj barısında talabalar tárepinen ustazlarǵa arnalǵan qosıq qatarlar oqıp esittirilip keshemizge ózgeshe payız inam etti.
Bayram ilajı juwmaǵında bilim jurtı oqıtıwshıları hám de talaba jaslardıń haqına qayırlı duwalar qılındı. Sonday-aq, búgingi tınısh hám párawan turmısqa shúkirshilik keltirip, talaba jaslarǵa ilim-bilim alıwda ǵayrat salıw kerekligin atap ótti.
Hesh bir insan ózine birinshi háripti úyretken ustazın yadınan shıǵara almaydı, desek, asıra aytqan bolmaymız.
Áziz ustazlar bayramıńız múbárek bolsın!
Bilim jurtı baspasóz xızmeti