MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

Bilim jurtında jańa oqıӯ jılı baslandı

Bilim jurtında jańa oqıӯ jılı baslandı


2024-jılı 9-sentyabr kúni Muhammad ibn Ahmad al-Beruniy orta arnawlı islam bilim jurtında jańa oqıw jılınıń ashılıw keshesi bolıp ótti.
Keshemizde Mámleketlik gimnlerimiz jańlaǵannan soń bilim jurtı direktorı Jalalatdin Abdirazakov ashıp berdi. Keshege Qaraqalpaqstan musılmanları qazıyatı qazısı Baxrammatdin Razov, Ájiniyaz atındaǵı Nókis mámleketlik pedagogika institutı oqıtıwshısı, Filologiya ilimleriniń professorı Qabıl Mambetov, bilim jurtı oqıtıwshıları, isshi-xızmetkerler hám talabaları menen diniy taraw wákilleri qatnastı. Jańa oqıw jılınıń ashılıw keshesine kelgen miymanlar qatnasıӯshılardı Ǵárezsizligimizdiń 33 jıllıq bayramı qalaberse baslanıp atırǵan jańa oqıw jılı menen qutlıqlap, talabalarǵa aldaǵı oqıӯlarında kúsh-ǵayrat hám tabıslar tiledi.

Ashılıw keshesinen soń bilim jurtı májilisler zalında «Ǵárezsizlik - ullı nemat» atamasında ilaj ótkerildi. Keshe miymanları tárepinen Ǵárezsizlik sharapatı menen diniy tarawlarǵa jaratılǵan imkaniyatlar hám bunıń arqasında kóplegen unamlı jetiskenliklerge eriskenliklerimizdi qatnasıӯshılarǵa aytıp ótildi

Ilajdan soń talabalar óz toparları menen belgilengen auditoriyalarına kirip, Hár bir topar búgingi 1-juplıqtaǵı sabaǵın Ózbekstan musılmanlar basqarması tárepinen usınıs etilgen baǵdarlama tiykarında tayarlanǵan «Ǵárezsizlik sabaǵı» menen basladı.
Sabaqta bilim jurtınıń barlıq basqıshındaǵı talabalarǵa aldınnan tayarlanǵan slaydlar hám videorolikler qoyıp berilip, onnan alınǵan juwmaqlar oqıtıӯshısı menen birgelikte dodalandı.
Sonday-aq, sabaq barısında oqıtıwshılar tárepinen aqırǵı jılları elimizde ámelge asırılıp atırǵan keń kólemli reformalar, diniy-aǵartıwshılıq tarawdalarǵa qaratılǵan imkaniyatlar tiykarında erisilgen nátiyjeler hám ótken jılǵı bilim jurtı tárepinen erisilgen jetiskenliklerimiz aytılıp unamlı ózgerisler ayrıqsha atap ótildi.

Bilim jurtı baspasóz xızmeti