MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

Korrupciyaǵa qarsı gúresiw - dinimiz talabı

Korrupciyaǵa qarsı gúresiw - dinimiz talabı

Korrupciyaǵa qarsı gúresiw hər bir sap hújdanli insannıń, demokratiyalıq jəmiyet həm məmlekettiń múqaddes minneti,- Shavkat Mirziyoev.

Búgingi kúnde korrupciya mashqalasına jəhənniń derlik hər bir məmleketinde dus keliw múmkin. Korrupciya sońǵı jıllarda xalıq aralıq kólemde transmilliy jınayat retinde keń talqılaw qılınıp atırǵan temalardan biri bolıp tabıladı.

Aytıp ótiw orınlı, korrupciya keltiretuǵın zəlel barlıq məmleketler ushın teń sanalıp, usı illet məmlekettiń túrli tarawlarına, atap aytqanda siyasiy, ekonomikalıq, social, mədeniy iskerlik tarawılarında əmelge asırılıp atırǵan reformalarǵa həm de məmlekettiń xalıq aralıq maydandaǵı imidji həm investitsiya kiritiwge unamsız təsir kórsetedi.

Muqaddes islam dini, Quranı káriym həm Payǵambarımız hədislerinde de korrupciya, para aldı-berdisi, birewdiń haqqına qıyanet etiw sıyaqlı illetler qattı qaralanǵan.

Allah taala “Baqara” súresiniń 188-ayatında “Bir-birińizdiń mal-dúnyalarıńızdı nahaq jol menen jemeń. Bilip turıp adamlardıń mal-dúnyasınan gúna jolı menen bir bólegin jew (ózlestiriw) maqsetinde hákimlerge (húkim shıǵarıwshılarǵa) onnan bermeń”, dep musılmanlardı bunday haram islerden saqlanıwǵa shaqıradı. Rasulullah sallallahu alayhi wa sallam “Allah para bergendi-de, para alǵandı-da lánetlegen”, dep márhámát qılǵan.

Korrupciya, birinshiden, jəmiyette ədalatsızlik, teńsizlik həm xalıqtıń narazılıǵına alıp keledi, bul bolsa barlıq tarawdaǵı reformalardıń nətiyjesine unamsız təsir etpey qalmaydı; ekinshiden, puqaralarımızda huqıqıy ań həm-de huqıqıy mədeniyat jetkilikli dərejede emesligi, óz haq-huqıqın qorǵay almaslıǵı jəmiyette ádillik tárezisiniń buzılıwın kóbeytedi.

Solay eken áziyzler, nızam sheńberinde-de, sháriyat kórsetpelerinde-de qatań qadaǵalanǵan bunday illetten jıraq bolayıq. Álbette, bárshemiz bul illetten jirkenip, mámleket hám din aldındaǵı juwapkershilikti oylaǵan halda uzaq bolsaq, mámleketimizde alıp barılıp atırǵan reformalar unamlı tárepke ózgeriwi anıq bolıp tabıladı.

Muhammad ibn Ahmad al-Beruniy  orta arnawlı islam bilim jurtı oqıtıwshısı I.Sherniyazov