MUHAMMMAD IBN AHMAD AL-BERUNIY” ORTA ARNAWLÍ ISLAM BILIM JURTÍ

Bilim jurtında talabalar zaman talaplarına say bilim alıwı ushın barlıq qolaylıqlar jaratılǵan. Atap aytqanda, eń zamanagóy oqıw quralları menen támiyinlengen oqıw xanaları, málimleme-resurs orayı, dáretxana, asxana, jataqxana, sport zalı, mini futbol maydanshası, salamatlıq xanası, shashtárezxana bar.

“Quranı kárim hám tájwid” pullı oqıw kursları

Ózbekstan Respublikası Prezidentiniń “Diniy-aǵartıwshılıq tarawınıń jumısın túpkilikli jetilistiriw ilajları haqqında”ǵı 2018-jıl 16-apreldegi PP-5416-sanlı Pármanı menen tastıyıqlanǵan ilajlar Baǵdarlamasınıń 6-bántinde belgilengen wazıypalardıń orınlanıwın támiyinlew maqsetinde Ózbekstan musılmanları mákemesiniń 2018-jıl 30-apreldegi 01A/056-sanlı buyrıǵı tastıyıqlanǵan. Usı múnásibet penen Muhammad ibn Ahmad al-Beruniy medresesinde 2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Málimleme resurs orayı

Muhammad ibn Ahmad al-Beruniy” orta arnawlı islam bilim jurtınıń málimleme resurs orayı fondında jámi 17756 kitap saqlanbaqta. Sonnan, 1505 ulıwma bilimlendiriw ádebiyatları, 4085 arnawlı pánlerden sabaqlıqlar, 764 sociyallıq-ekonomikalıq ádebiyatlar, 7340 ilimiy-ǵalabalıq ádebiyatlar, 919 elektron ádebiyatları quraydı.

Kurslar

2018-jıl 10-iyunnan baslap “Quranı kárim hám tájwid” úyretiw boyınsha pullı oqıw kursları shólkemlestirildi.

Talabalar

Búgingi kúnge kelip bilim jurtında 148 talabaǵa 21 oqıtıwshı tárepinen tálim-tárbiya berip kelinbekte.

Jetiskenliklerimiz

Bilim jurtı oqıtıwshıları hám talabaları ótkerilip kelinetuǵın túrli tańlawlarda qatnasıp joqarı orınlardı iyelep kelmekte.

Tınıshlıqtı saqlaw hámmemizdiń wazıypamız atamasında iláj ѳtkerildi.

27-mart kúni Muhammad ibn Ahmad al-Beruniy atındaǵı islam bilim jurtında ѳtkerilgen ilájǵa Qaraqalpaqstan Respublikası Ministrler Keńesi baslıǵınıń sociallıq hám diniy shólkemler boyınsha orınbasarı R.Nurazizov, Qaraqalpaqstan musılmanları qazıyatı qazısı B.Razov, Bilim jurtı direktorı J.Abdirazakov hámde pedagog-oqıtıwshılar menen talabalar qatnastı.

Búgingi ilájdi medresemiz miymanı R.Nurazizov kiris sѳzi menen ashıp berdi hámde bilim jurtı jámáátin múbárek ramazan ayı hám kiyatırǵan hayt bayramı menen qutlıqladı.
Jıynalıs dawamında R.Nurazizov jaqın kúnlerde sırt ellerde bolǵan waqıyalardı jawız niyettegi insanlar tárepinen ámelge asırılǵanın bunnan bir qansha adamlar jábir shekkenligi sonday-aq, biziń elimizde de usınday waqıyalardı boldırmaw hám aldın alıw maqsetinde, elimizdegi insanlardı hám keleshegimiz bolǵan jaslardı hár qıylı sociallıq tarmaqlar arqalı ózleriniń buzǵınshı jawız niyetlerin ámelge asırıw maqsetinde hár qıylı jollar, qarjılar menen qızıqtırıp tartpawı ushın hár bir insan ózine saq bolıwdı, saqlıqta qorlıq joq ekenin, jaman illetlerdiń qanday ayanıshlı aqıbetlerge alıp keletuǵınlıǵın basqada jaqın insanlarına, doslarına eskertiwi kerek ekenligin atap ѳtti.