Ассалаўма алейкум

ѲЗБЕКСТАН МУСЫЛМАНЛАРЫ БАСҚАРМАСЫ

“МУҲАММАД ИБН АҲМАД АЛ-БЕРУНИЙ”

орта арнаўлы ислам билим журтының рәсмий веб-сайтына хош келдиңиз

Елимизде Ғәрезсизлигимиз шарапаты менен зия ҳәм мәрипат ошағы болған мешит ҳәм медреселер өз жумысын баслап, халқымыздың руўхый тәрептен болған мүтәжликлерине мүнәсиб тәризде хызмет етип киятыр. ...

"ДИНДЕ ИЛИМГЕ СҮЙЕНБЕЙ СӨЙЛЕМЕСИН!"

444
16 Июль 2021

Өкиниш пенен айтамыз, ҳәзирги күнде ҳәмме өзин дин уламасы сыяқлы тутып, ҳәр қандай билип-билмеген мәселелеринде қәлеген жуўабын берип атыр, өзин диний алым деп ойлап атыр. Тийкарынан да солай ма?!

Аллаҳ таала Қураны кәримде: “Әлбетте, шайтан сизлерге душпан. Демек, оны душпан тутың…”, деп мәрҳәмат қылады.

(Фатир сүреси, 6-аят)

Солай екен, шайтанға бизди туўры жолдан аздырыў ушын мүмкиншилик бермеўимиз керек. Себеби, шайтан дин илиминен терең хабары болмаған айырым биреўлерди, Аллаҳ тааланың сыпатларын ҳәм басқа түрли ақылы жетпейтуғын мәселелерди сөйлеўге шақырады. Нәтийжеде, инсан динниң қандай екени ҳаққында гүманлар қушағында қалады. Бул да жетпегендай, бул ислеп атырған ислерин билим, ағартыўшылық жолы деп ойлайды ҳәм сол исеними себепли бидъатшы ямаса ийманнан шығып қалыўы да мүмкин! Аллаҳ сақласын.

Айша разыяллаҳу анҳадан рәўият етиледи. Расулуллаҳ саллаллаҳу алайҳи ўа саллам айтты: “Әлбетте, шайтан сизлердиң бириңизге келип, сени ким жаратқан? - дейди. Сиз болса: Аллаҳ таала, - дейсиз. Шайтан: онда Аллаҳты ким жаратты? - дейди. Егер қайсы бириңизде сондай болса, “Аллаҳ ҳәм Расулине ийман келтирдим” десин, сонда усы зат оннан кетеди”.

Бул ҳәдиси шǝрийфте: Расулуллаҳ саллаллаҳу алайҳи ўа саллам уламаларды емес, әпиўайы халықты нәзерде тутып, ким сол ғулғылаға дус келсе, оны туўрылаўға урынып, тартысыўға буйырмады. Бәлки, Аллаҳ ҳәм оның Расулине ийман келтирдим деп, тезде бул ғулғыладан қутылыўға буйырады.

Әпиўайы халықтың жуўапкершилигине - ийман келтириў, өзин Аллаҳға тǝслим етиў, ибадат ҳәм жасаўы ушын зәрүр ислери менен шуғылланыўы ҳәм де илимий ислерди уламаларға қойып бериўи ўǝжиб болады. Бир илимсиз адамның, зина ҳәм урлық ислейтуғын гүнасы, илимди пуқта өзлестирместен диний мазмунда сөйлеўдеги гүнасынан жеңиллеў болады. Өзи билмеген ҳалда күфрге кетиўи де мүмкин. Шайтан болса, сол себепли мине усы, жолды өзине кириў есиги етип алған.

Илимниң ең абзалы “илими ҳал” деп аталады. Яғный ҳәр ким, өзи турған орындағы илимди пуқта билиўи керек. Мысалы: ким саўдагер болса, саўда илимин, ағаш устасы болса, ағаш усташылық мәселелерин билиўи ўǝжиб болады. Ҳәмме соған әмел етип, барлық исти өз қәнигесине тапсырса, әне сонда үлкен нәтийжелерге ерисиўи мүмкин. Дана халқымызда бир ҳикмет бар: “Шымшық сойса да, қассап сойсын” деген. Бул ҳикметлер бийкарға айтылмағанын жоқарыда билип алдық.

Аллаҳ таала бәршемизди дининде турақлы қәдем қылсын.

Дереклер тийкарында Муҳаммад ибн Аҳмад әл-Беруний орта арнаўлы ислам билим журты оқытыўшысы АБДУМӨМИН САДИКОВ таярлады.


  • Автор: Админ
  • 16 Июль 2021
  • 0
  • 73

Жеке пикир

Ҳикметлер гүлдәстеси